કડાકો / સેન્સેક્સ 1300થી વધુ પોઇન્ટ તૂટ્યો, YES બેંકના શેરમાં થયો ઘટાડો, અનેક રોકાણકારોના રૂપિયા ડૂબ્યા

• શેરબજારને લઇને મહત્વની ખબર
• સેન્સેક્સ 1300 પોઇન્ટ તૂટ્યો
• નિફ્ટીમાં 350 પોઇન્ટનો કડાકો

આવી રહી પ્રમુખ શેરોની સ્થિતિ

પ્રમુખ શેરોની વાત કરીએ તો આજે તમામ સેક્ટર રેડ ઝોનમાં ખુલ્યા છે. તેમાં ઈન્ડસઇન્ડ બેન્ક, યસ બેન્ક, એસબીઆઈ, હિંડાલ્કો, ટાટા મોટર્સ, વેદાંત લિમિટેડ, જેએસડબ્લ્યુ સ્ટીસ, ઝી લિમિટેડ, ટાટા સ્ટીલ અને કોલ ઈન્ડિયાનો સમાવેશ થાય છે.

Yes બેંકના શેરમાં થયો મોટો ઘટાડો

રિઝર્વ બેંકે ગુરુવારે મુશ્કેલીમાં મુકેલી યસ બેંક પર નાણાકીય મર્યાદા લગાવી દીધી હતી. આ હેઠળ ખાતા ધારકો હવે યસ બેંકમાંથી 50 હજાર રૂપિયાથી વધુ ઉપાડી શકશે નહીં. આ ઉપાડની મર્યાદા 3 એપ્રિલ 2020 સુધી અમલમાં રહેશે. આ ઘોષણા પછી યસ બેન્કનો શેર આજે ભારે ઘટાડા પર ખુલ્યો. પાછલા ટ્રેડિંગ દિવસે 36.80 ના સ્તરે બંધ થયા પછી, યસ બેન્કનો શેર આજે 33.15 ના સ્તર પર ખુલ્યો છે. સવારે 9:30 વાગ્યે 7.35 પોઇન્ટ અથવા 19.97 ટકાના ઘટાડા પછી તે 29.45 પર કારોબાર કરી રહ્યો હતો.

SBIના શેરના પણ ઘટ્યા ભાવ

આ સાથે સરકારે મૂડી સંકટ સાથે સંઘર્ષ કરી રહેલી યસ બેન્કની ખરીદી તરફ આગળ વધવા માટે સ્ટેટ બેંક ઓફ ઇન્ડિયા અને અન્ય નાણાકીય સંસ્થાઓને મંજૂરી આપી દીધી છે. આ ઘોષણા બાદ એસબીઆઈનો શેર આજે પણ ઘટતો જોવા મળી રહ્યો છે. 288.50 પર બંધ થયા બાદ આજે 268 ના સ્તરે ખુલ્યો છે.

સેન્સેક્સ ઘટતાં આવી રહી બેંકોની સ્થિતિ

YES બેંકની સ્થિતિને લઈને બેંકના શેરમાં થયો કડાકો જોવા મળ્યો છે. કોટક બેંકના શેરમાં 41 ટકાનો કડાકો, ICICI બેંકના શેરમાં 16.65 ટકાનો ઘટાડો, SBI બેંકના શેરમાં 19.25 ટકાનો ઘટાડો,
AXIS બેંકના શેરમાં 25.25 ટકાનો ઘટાડો તો HDFC બેંકના શેરમાં 31.25 ટકાનો કડાકો નોંધાયો હતો. 

Sensex at 37,263.97; down by 1206.64 points. (file pic) pic.twitter.com/tMG2cIVJln

— ANI (@ANI) March 6, 2020

સેક્ટોરિયલ ઈન્ડેક્સ પર નજર

સેક્ટોરિયલ ઈન્ડેક્સ પર નજર કરીએ તો આજે દરેક સેક્ટર્સ રેડ ઝોનમાં ખૂલ્યા છે. તેમાં મીડિયા, આઈટી, ફાર્મા, એફએમસીજી, રિયલ્ટી, પીએસયૂ બેંક, પ્રાઈવેટ બેંક, ઓટો અને મેટલ સામેલ છે. 

પ્રી ઓપન સમયે આવી રહી શેર માર્કેટની સ્થિતિ

પ્રી ઓપન સમયે સવારે 9.10 સવારે શેરમાર્કેટ રેડ ઝોનમાં ખૂલ્યું હતું. સેન્સેક્સ 856.65 અંક એટલે કે 2.23 ટકાના ઘટાડા બાદ 37, 613.96ના સ્તરે ખૂલ્યો. નિફ્ટી 326.35 અંત એટલે કે 2.90 ટકાના ઘટાડા બાદ 10,942ના સ્તરે ખૂલ્યો હતો. 

ડોલરની સરખામણીએ 73.94ના સ્તરે ખૂલ્યો રૂપિયો

ડોલર સામે રૂપિયો આજે 61 પૈસા ખૂલીને 73.94 ના સ્તરે છે. પાછલા કારોબારી દિવસે રૂપિયો ડોલર સામે 73.33ની સપાટીએ બંધ રહ્યો હતો. 

ગુરુવારે સામાન્ય વધારા સાથે બંધ થયું હતું બજાર

ગુરુવારે દિવસભર વધારા અને ઘટાડા સાથે શેરબજાર સામાન્ય વધારા સાથે બંધ થયું હતું. સેન્સેક્સ 61.13 અંક એટલે કે 0.16 ટકાના વધારા બાદ 38, 470.61ના સ્તરે બંધ થયો હતો. નિફ્ટી 18 અંચ એટલે કે 0.16 ટકાના વધારા બાદ 11, 269ના સ્તરે બંધ થયો હતો.