સેક્સ ફોર જોબ / 'નોકરી જોઈતી હોય તો સેક્સ કરવું પડશે' સરકારી અધિકારીએ ફસાવી છોકરીઓ, સરઘસ કાઢીને ખુલ્લો પડાયો

• એમપીના ગ્વાલિયરમાં સરકારી અધિકારીનું જાહેરમાં સરઘસ કઢાયું 
• છોકરીઓ પાસે નોકરીના બદલામાં માગતો હતો સેક્સ 
• પોલીસે શહેરભરમાં તેની પરેડ કરાવીને ઈજ્જત કાઢી 

એમપીના ગ્વાલિયરમાં છોકરીઓ પાસે નોકરીના બદલામાં સેક્સની માગ કરનાર એક અધિકારીને જાહેરમાં સરઘસ કાઢીને ખુલ્લો પડાયો હતો. પોલીસે ધરપકડ કરીને તેને હાથકડી પહેરાવી અને પછી આખા શહેરમાં પરેડ કરાવી હતી. 

નોકરીના બદલામાં છોકરીઓ પાસે સેક્સ માગતો
આરોપી સરકારી અધિકારી છોકરીઓ પાસે નોકરીના બદલામાં સેક્સની માગણી કરતો હતો. યુવતીઓને નોકરીના બદલામાં એક રાત સાથે વિતાવવાનું કહેનાર અધિકારી બીજું કોઇ નહીં પરંતુ મધ્યપ્રદેશના બીજ નિગમના અધિકારી સંજીવ કુમાર તંતુવાય હતા, જેમની પોલીસે ધરપકડ કરીને ગ્વાલિયર પોલીસ ભોપાલ લાવી હતી. 

સરઘસનો વીડિયો વાયરલ 
સરઘસનો વીડિયો સોશિયલ મીડિયા પર ખુબ જ વાયરલ થઇ રહ્યો છે, જેના પર લોકો ખુબ જ કોમેન્ટ પણ કરી રહ્યા છે. જોકે વીડિયોમાં અધિકારી માથું ઝુકાવી રહ્યા છે, પરંતુ લોકોએ તેમને ખૂબ ઠપકો આપ્યો હતો. આ યુઝરે કમેન્ટ કરી હતી કે, આવી હલકી માનસિકતા ધરાવતા લોકો સાથે આવું થવું જોઈએ. પોલીસે સારું કામ કર્યું. પોલીસે તેની સામે કલમ 354Aનો ગુનો નોંધ્યો છે. હવે પોલીસ આરોપીને એ વાતનો ખુલાસો કરાવવાનો પ્રયાસ કરી રહી છે કે તેણે કેટલી છોકરીઓ સાથે આ કૃત્ય કર્યું છે? તે કઈ સત્તાથી ઇન્ટરવ્યુ પેનલમાં જોડાયો હતો? એક મહિલાએ આરોપી વિરુદ્ધ લેખિત ફરિયાદ આપી હતી, પરંતુ વિભાગે નોટિસ આપ્યા બાદ તેને છોડી દીધી હતી. જ્યારે આ મામલો મીડિયામાં ઉછળ્યો તો પોલીસે કાર્યવાહી કરી હતી. 

સીએમ મોહન યાદવે પોતે કાર્યવાહી કરી
એડિશનલ એસપી ઋષિકેશ મીણાએ જણાવ્યું કે મુખ્યમંત્રી મોહન યાદવે પોતે આ મામલે કાર્યવાહી કરી હતી. તેઓએ આરોપી સંજીવને નોકરીમાંથી બરતરફ કર્યો છે. તે જ સમયે, આ કેસમાં બીજી એક છોકરી આગળ આવી છે, જેણે ફરિયાદમાં જણાવ્યું હતું કે 3 જાન્યુઆરી, 2024 ના રોજ, કૃષિ યુનિવર્સિટી ગ્વાલિયરમાં કરાર આધારિત કર્મચારીઓની જગ્યાઓ પર ભરતી માટે ઇન્ટરવ્યુ લેવામાં આવ્યા હતા. ઇન્ટરવ્યુ પેનલના સભ્ય બીજ નિગમના પ્રોડક્શન આસિસ્ટન્ટ સંજીવ કુમાર હતા. ઈન્ટરવ્યૂ બાદ સંજીવ કુમારે 3 છોકરીઓને મેસેજ કરીને નોકરી અપાવવાના બદલામાં સેક્સની માંગણી કરી હતી, જેના માટે યુવતીએ ગ્વાલિયર ક્રાઈમ બ્રાન્ચને ફરિયાદ કરી હતી. તેની ફરિયાદ પર પોલીસે કલમ 354એ હેઠળ ફફઆઈઆર નોંધીને તેની ધરપકડ કરી હતી, પરંતુ પોલીસે તેને નોટિસ આપીને છોડી દીધી હતી, ત્યારબાદ યુવતીઓએ આ કેસ મીડિયા સામે મૂક્યો હતો. મુન્ના લાલ ગોયલે વિભાગને આરોપી સંજીવ સામે કડક કાર્યવાહી કરવા નિર્દેશ આપ્યો હતો. તેની ચીવટ જોઇને પોલીસે આરોપીને પણ પકડી પાડ્યો હતો. મુન્નાલાલ ગોયલે આરોપી સંજીવ કુમારને નોકરીમાંથી બરતરફ કરતો લેખિત આદેશ પણ જારી કર્યો હતો.