કામની વાત / કોરોનામાં હવે આ બેંકના ખાતાધારકોને નહીં જવું પડે બેંકમાં, ATMની મદદથી ફ્રીમાં મળશે 10 સર્વિસ

• કોરોનામાં SBI બેંકના ખાતેદારોને મળી મોટી રાહત
• ATMની મદદથી ફ્રીમાં મળશે 10 સર્વિસ
• નહીં ભરવો પડે કોઈ એકસ્ટ્રા ચાર્જ

ટેક્સ ડિપોઝિટ

તમે આ કામ પણ ATM કાર્ડથી કરી શકો છો. એડવાન્સ ટેક્સ, સેલ્ફ એસેસમેન્ટ, રેગ્યુલર એસેસમેન્ટ પછી ચૂકવાતો ટેક્સ તેમામં સામેલ છે. બ્રાંચમાં વેબસાઈટમાં પોતાને રજિસ્ટર કરાવી લો અને પછી એટીએમથી ટેક્સ ભરી શકો છો. એકાઉન્ટથી રૂપિયા કપાયા બાદ સીઆઈએન નંબર મળશે. ટેક્સ જમા થયાના 24 કલાકમાં બેંકની વેબસાઈટની મદદથી CINની પ્રિન્ટ કાઢી શકાય છે. 

કરાવી શકાશે એફડી

એટીએમની મદદથી હવે એફડી કરાવવાની સુવિધા પણ મળે છે. ફિક્સ્ડ ડિપોઝીટ અત્યારસુધી બેંક બ્રાન્ચમાં થતી હતી પણ હવે એટીએમમાં આપવામાં આવેલા મેન્યૂથી એફડીનુ ઓપ્શન સિલેક્ટ કરીને એફડી કરાવી શકાશે. તેની સમય અને રકમનો વિકલ્પ પણ મળશે. તમે તેને કન્ફર્મ કરશો તો તમારી એફડી બની જશે. 

પોલીસીનું પ્રીમિયમ ભરી શકાય છે

એટીએમની મદદથી ઈન્શ્યોરન્સ પોલીસીનું પ્રીમિયમ ભરી શકાય છે. બેંકોએ તેને માટે LIC, HDFC લાઈફ અને SBI લાઈફ જેવી વીમા કંપનીઓ સાથે કરાર કર્યો છે. તેનું પેમેન્ટ એટીએમથી કરી શકાશે. એટીએમ સ્ક્રીન પર બિલ પે સેક્શનમાં જઈને વીમા કંપનીનું નામ સિલેક્ટ કરો અને પોલીસી નંબર નાંખો. પછી ડિટેલ્સ જેમકે બર્થડેટ અને મોબાઈલ નંબર એન્ટર કરો. પ્રીમિયમની રકમ કન્ફર્મ કરો. તમારી પોલીસીનું પેમેન્ટ થઈ જશે. 

સરળતાથી લઈ શકાય છે લોન

પર્સનલ લોન માટે પણ હવે એટીએમથી એપ્લાય કરી શકાશે. પ્રાઈવેટ બેંક તેમના ખાતેદારોને એટીએમની મદદથી પ્રી અપ્રૂવ્ડ લોન ઓફર કરે છે. તેને માટે ટ્રાંન્ઝેક્શન ડિટેલ, એકાઉન્ટ બેલેન્સ, સેલેરીની રકમ અને ક્રેડિટ કે ડેબિટ કાર્ડનો રિપેમેન્ટ રેકોર્ડ જોવામાં આવે છે. 

કરી શકાય છે કેશ ટ્રાન્સફર

ATM ની મદદથી એક એકાઉન્ટથી અન્ય એકાઉન્ટમાં કેશ ટ્રાન્સફર પણ કરી શકાય છે. ઓનલાઈન કે બ્રાંચમાં એકાઉન્ટ રજિસ્ટર કરાવી લો એટલે તમારા એકાઉન્ટમાં રકમ ટ્રાન્સફર થઈ જશે. એક સમયે તમે 40,000 સુધીની રકમ ટ્રાન્સફર કરી શકો છો. મલ્ટીપલ ટ્રાન્ઝેક્શન એક દિવસે કરી શકાય છે. 

કેશ ડિપોઝિટની સુવિધા

દેશની લગભગ દરેક બેંક પોતાના એટીએમની સાથે કેશ ડિપોઝિટ મશીનો પણ લગાવી ચૂકી છે. તેનાથી તમે એકાઉન્ટમાં રૂપિયા જમા કરાવી શકો છો. એક વારમાં 49,900 રૂપિયા જમા કરાવી શકાય છે. મશીનમાં 2000, 500, 100 અને 50ની નોટ જમા કરાવી શકાય છે. 

બિલ પણ ભરી શકાશે

ટેલિફોન, લાઈટ, ગેસ કે અન્ય કોઈ બિલ પણ એટીએમની મદદથી ભરી શકાય છે. આ પહેલાં તમારે બેંકની વેબસાઈટ પર એકવાર પોતાને રજિસ્ટર કરવાનું રહે છે. મોબાઈલના પ્રીપેડ કનેક્શનને પણ તમે રિચાર્જ કરી શકો છો. 

મંદિરોમાં ડોનેશન

જો તમે કોઈ મંદિરમાં દાન આપવા ઈચ્છો છો તો SBI ATM તમને આ સુવિધા આપે છે. તેની મદદથી વૈષ્ણોદેવી, શિરડી સાંઈબાબા. ગુરુદ્વારા તખ્ત સાહેબ (નાંદેડ), પુરીનું જગન્નાથ મંદિર, પલાની, રામકૃષ્ણ મિશન (કોલક્ત્તા), કાશિ વિશ્વનાથ (બનારસ), મહાલક્ષ્મી મંદિર મુંબઈમાં દાન કરી શકાય છે. 

ચેક બુક રિકવેસ્ટ

જો તમારે ચેક બુકની જરૂર છે તો તમે બેંકની બ્રાંચમાં ન જતાં. SBI ATMમાં જઈને તમે નવી ચેકબુકની અરજી કરી શકો છો. તે તમારા રજિસ્ટર્ડ એડ્રેસ પર પહોંચી જશે.