RUSSIA UKRAINE WAR / યુક્રેન પર આક્રમણ કરી રશિયા બરાબરનું ફસાયું, મેકડોનલ્ડ્સ સહિતની દિગ્ગજ કંપનીએ વેપાર બંધ કર્યા

• રશિયા અને યુક્રેન વચ્ચે ચાલી રહ્યો છે જંગ
• જંગમાં યુક્રેન આપી રહ્યું છે ટક્કર
• રશિયા પર લાગી રહ્યા છે ચારેબાજૂથી પ્રતિબંધો

મેકડોનલ્ડ્સ, સ્ટારબક્સ, કોકા-કોલા, પેપ્સિકો અને જનરલ ઈલેક્ટ્રિકને જાહેરાત કરી છે કે, તે યુક્રેન પર રશિયાના આક્રમણના જવાબમાં રશિયામાં પોતાના વેપારને અસ્થાયી રીતે બંધ કરી રહ્યા છે. મેકડોનલ્ડ્સના અધ્યક્ષ અને સીઈઓ ક્રિસ કેમ્પકિંસ્કીએ કર્મચારીઓને એક ખુલ્લો પત્ર લખી કહ્યુ છે કે, અમારા મૂલ્યોનો અર્થ છે કે, અમે યુક્રેનમાં બિનજરૂરી માનવીય પીડાને નજરઅંદાજ કરી શકતા નથી.

We will be temporarily closing all restaurants and pausing all operations in Russia. Click to read the message from our CEO in its entirety: https://t.co/ncoB2A8GC6

— McDonald's (@McDonalds) March 8, 2022

850 સ્ટોર બંધ કરશે

શિકાગો સ્થિત બર્ગરની દિગ્ગજ કંપનીએ કહ્યું કે, તે અસ્થાયી રીતે 850 સ્ટોર બંધ કરી દેશે, પણ રશિયામાં પોતાના 62,000 કર્મચારીઓને પગાર આપવાનું ચાલુ રાખશે. કેમ્પજિંસ્કીએ કહ્યું કે, એ જાણવું અશક્ય છે કે, કંપનીએ પોતાના સ્ટોરને ફરીથી ક્યારે ખોલશે.

 

કર્મચારીઓને પગાર આપવાનું ચાલુ રાખશે

ગત શુક્રવારે, સ્ટારબક્સે કહ્યું હતુ કે, તે પોતાના 130 રશિયાના સ્ટોરોમાંથી યુક્રેનમાં માનવીય રાહતના પ્રયાસો માટે દાન કરી રહ્યું હતું. પણ મંગળવારે કંપનીએ પોતાનું વલણ બદલી નાખ્યું અને કહ્યું કે, તે આ સ્ટોરનો હંગામી ધોરણે બંધ કરી દેશે. સ્ટારબક્સના અધ્યક્ષ અને સીઈઓ કેવિન જોનસને કર્મચારીઓને એક ખુલ્લા પત્રમાં કહ્યું- અલશયા સમૂહ સ્ટારબક્સના 2000 રશિયાના કર્મચારીઓને ચૂકવણી ચાલુ રાખશે.

જોનસને લખ્યું કે, આ ગતિશિલ સ્થિતિના માધ્યમથી અમે નિર્ણય લેવાનું ચાલુ રાખીશુ, જે આપણા મિશન અને મૂલ્યો માટે યોગ્ય છે અને પારદર્શિતા સાથે સંવાદ કરે છે.

કોકા કોલાએ પણ લીધો આ નિર્ણય

કોકા કોલા કંપનીએ ઘોષણા કરી છે કે, તે રશિયામાં પોતાના કારોબારને બંધ કરી રહી છે, પણ તેમણે અમુક વિવરણ આપ્યા છે. કોકાના ભાગીદાર સ્વિટ્ઝરલેન્ડ સ્થિત કોકા-કોલા હેલેનિક બોટલિંગ કંપની પાસે રશિયામાં 10 બોટલિંગ પ્લાન્ટ છે, જે તેનું સૌથી મોટુ બજાર છે. કોકા-કોલા હેલેનિક બોટલિંગ કંપનીમાં કોકની 21 ટકા ભાગીદારી છે. 

Read Kevin Johnson’s letter to partners on Ukraine: https://t.co/JnqlHgm9W8

— Starbucks News (@StarbucksNews) March 8, 2022

રશિયામાં પેય પદાર્થોના વેચાણ બંધ કર્યા

પેપ્સિકો અને જનરલ ઈલેક્ટ્રિક બંનેએ પોતાના રશિયા કારોબારને આંશિક રીતે બંધ કરવાની ઘોષણા કરી છે. ન્યૂયોર્ક પરચેઝમાં આવેલી પેપ્સીએ કહ્યું કે, તે રશિયામાં પેય પદાર્થોના વેચાણને બંધ કરી રહ્યા છે. આ કોઈ પણ મૂડી રોકાણ અને પ્રચાર ગતિવિધિઓને પણ નિલંબિત કરી દેશે.