સુરતના જ્વેલર્સને ઇન્સ્ટાગ્રામ પર PSI સાથે થઈ હતી મિત્રતા
PSIએ વેપારીને અડાજણની હોટલમાં મળવા બોલાવ્યા હતા
PSIએ પોતે પ્રતિષ્ઠિત અને વગદાર હોવાનું કહી પડાવ્યા રૂપિયા
જ્વેલર્સે સુરતના રાંદેર પોલીસ સ્ટેશનમાં PSI વિરુદ્ધ અરજી કરી
રાજકોટના PSI નું સુરતમાં કારસ્તાન સામે આવ્યું છે. વિગતો મુજબ PSIએ ઇન્સ્ટાગ્રામ પર મિત્રતા થયા બાદ જ્વેલર્સ પાસેથી રૂપિયા પડાવ્યા હોવાનું સામે આવતા હડકંપ મચી ગયો છે. આ તરફ હવે જ્વેલર્સે ભક્તિનગર પોલીસ સ્ટેશનના PSI સામે સુરતના રાંદેર પોલીસ સ્ટેશનમાં અરજી કરી છે. જેને લઈ હવે પોલીસબેડામાં ખળભળાટ મચી ગયો છે.
રાજકોટમાં ભક્તિનગર પોલીસ સ્ટેશનના PSI હરદેવસિંહ રાયજાદાને લઈ એક મોટા સમાચાર સામે આવ્યા છે. વાત જાણે એમ છે કે, PSI હરદેવસિંહ રાયજાદા સામે ગંભીર આરોપો થયા છે. આરોપો મુજબ આંગડિયા અને બાતમીદારના નામે જ્વેલર્સ પાસેથી PSIએ રૂપિયા 2 લાખ 25 હજાર પડાવ્યા હોવાનું કહેવામાં આવ્યું છે.
PSI હરદેવસિંહ રાયજાદા (File Photo)
શું છે સમગ્ર મામલો ?
આરોપો મુજબ રાજકોટમાં ભક્તિનગર પોલીસ સ્ટેશનના PSI હરદેવસિંહ રાયજાદા અને સુરતના એક જવેલર્સ સાથે મિત્રતા થઈ હતી. જોકે હવે જ્વેલર્સને ઇન્સ્ટાગ્રામ પર PSI સાથેની મિત્રતા ભારે પડી છે. આરોપો મુજબ ઈન્સ્ટાગ્રામ પર મિત્રતા થયા બાદ રાજકોટના PSIએ આંગડિયા અને બાતમીદારના નામે જવેલર્સ પાસેથી રૂપિયા પડાવ્યા હતા.
તો શું PSIએ 2.25 લાખ પડાવ્યા ?
આ તરફ ગંભીર આરોપો મુજબ PSIએ જવેલર્સ પાસેથી આંગડિયા અને બાતમીદારના નામે જવેલર્સ પાસેથી રૂ.2.25 લાખ પડાવ્યા હતા. આ તરફ PSIએ વેપારીને અડાજણની હોટલમાં મળવા બોલાવ્યો હોવાની વિગતો પણ સામે આવી છે. આ સાથે 1 કલાકની મુલાકાતમાં પોતે પ્રતિષ્ઠીત અને વગદાર હોવાનું કહી હાક જમાવી હતી. આ તરફ સમગ્ર મામલે જવેલર્સ દ્વારા સુરતના રાંદેર પોલીસ સ્ટેશનમાં PSI વિરુદ્ધ અરજી કરવામાં આવી છે.
.jpg)
