ટોક્યો પેરાલિમ્પિક્સ / આ રીતે ખેલેગા ઈન્ડિયા? પેરાલિમ્પિક્સમાં મેડલ જીતનાર આ ખેલાડીઓને પગાર પણ નથી ચૂકવાયો

Premal

Last Updated: 05:47 PM, 2 September 2021

FOLLOW ON

શેર કરો

દેશના ખેલાડીઓ ભલે અથાગ પરિશ્રમ કરીને દેશનું નામ રોશન કરી રહ્યાં છે. પરંતુ સિસ્ટમ આગળ તેઓ કેટલા મજબુર છે. આ ફરી એક વખત ઉજાગર થયુ છે. જાણવા મળ્યું છે કે ટોક્યો પેરાલિમ્પિક્સમાં દેશ અને રાજ્યનું નામ રોશન કરનારા ખેલાડી દેવેન્દ્ર ઝાઝરિયા, અવનિ લખેરા અને સુંદર ગુર્જરને તેમના વિભાગે અત્યાર સુધીનો એક પણ પગાર ચૂકવ્યો નથી.

દુર્ભાગ્યપૂર્ણ, પેરાલિમ્પિક્સમાં ખેલાડીઓને મળ્યો નથી એક મહિનાનો પગાર
ત્રણેય ખેલાડીઓેએ પેરાલિમ્પિક્સમાં જીત્યા છે મેડલ
વેતન ન ચૂકવવા પાછળ સરકારી અધિકારીઓએ આપ્યું આ કારણ

ત્રણેય મેડલ જીતનારા ખેલાડીઓને પગાર ચૂકવાયો નથી

પ્રાપ્ત માહિતી મુજબ, જ્યારે ત્રણેય પેરાલિમ્પિક ખેલાડીઓએ મેડલ જીત્યા ત્યારે આ વાતનો ખુલાસો થયો. રાજસ્થાન વન વિભાગે પણ અભિનંદન આપી તેમાં પોતાની ભૂમિકા જણાવવાની હરોળમાં લાગી ગયુ. પરંતુ વિભાગને ઝાટકો ત્યારે લાગ્યો જ્યારે મેડલ વિજેતા થનારા પરિવારના સભ્યોએ આ વાતને ઉજાગર કરી કે ત્રણેય મેડલ જીતનારા ખેલાડીઓને તેમના વિભાગ તરફથી અત્યાર સુધી એક પણ રૂપિયાની ચૂકવણી કરવામાં આવી નથી.

2020-21માં થઈ હતી સરકારી નોકરી માટે નિમણુંક

જાણકારી મુજબ, ગોલ્ડ મેડલ જીતનાર વિજેતા શૂટર અવનિ લખેરા, જેવલિનમાં સિલ્વર મેડલ લાવનાર દેવેન્દ્ર ઝાઝરિયા અને બ્રોન્ઝ મેડલ વિજેતા સુંદર સિંહ ગુર્જરને ગયા વર્ષે અને ચાલુ વર્ષના અંતમાં સરકાર તરફથી સહાયક મદદનીશ વન સંરક્ષક અધિકારીના પદ માટે નિમણુંક કરી હતી. પરંતુ જ્યાં સુધી તેઓ ચર્ચામાં આવ્યાં નહીં ત્યાં સુધી તેમનો પગાર પેન્ડિંગ રહ્યો. હવે જ્યારે આખી દુનિયામાં ત્રણ ખેલાડીઓના મેડલ માટે ગૌરવ વધ્યું છે ત્યારે વન વિભાગ જાગી ગયુ અને વન વિભાગના અધિકારીઓને અહેસાસ થયો કે દેશ માટે પરિશ્રમ કરનારા ખેલાડીઓને એક મહિનાનો પગાર હજુ સુધી આપ્યો નથી.

વિભાગે કહ્યું, ખેલાડીઓના પુરાવા પુરતા ન હતા

બુધવારે વન વિભાગના એક અધિકારીએ માહિતી આપી છે કે મેડલ જીતનારા સાત ખેલાડીઓનો બાકી પગાર આપી દેવામાં આવ્યો છે. આ મામલો ઉજાગર થયા બાદ વન વિભાગનું કહેવુ છે કે ખેલાડીઓના પુરાવા પૂરતા ન હતા.

સંકળાયેલા મુદ્દાઓ

Forest department Rajasthan Salary Tokyo Paralympics Tokyo Paralympics