સંકટ / બિપરજોયે હવે રાજસ્થાનનો વારો કાઢ્યો, પૂર જેવી સ્થિતિ, એલર્ટ મોડ પર સેના, માઉન્ટ આબુ 210 મિલિ.વરસાદ

• ગુજરાતમાં બિપોરજોયએ કાળો કહેર મચાવ્યા બાદ રાજસ્થાનનો વારો
• રાજસ્થાનના અનેક વિસ્તારોમાં ભારે વરસાદ ખબકયો
• 16 વર્ષની સગીરાનું મોત નિપજતા પરિવારજનોમાં અરેરાટી

ગુજરાતના અનેક વિસ્તાતોમાં બિપોરજોય વાવાઝોડાંએ કાળો કહેર મચાવ્યા બાદ હવે રાજસ્થાનનો વારો લેતું હોય તેવું લાગી રહ્યું છે. અરબી સમુદ્રમાં બિપરજોયની અસરને લઈને આજે શનિવારે રાજસ્થાનના અનેક વિસ્તારોમાં ભારે વરસાદ ખબકયો હતો. જેથી બાડમેરના અનેક વિસ્તારોમાં પૂર જેવી સ્થિતિ સર્જાઈ છે. જે ખતરાને પહોંચી વળવા NDRF અને SDRFની ટીમો તૈનાત કરાઈ છે. સેના પણ એલર્ટ મોડમા છે.

16 વર્ષની સગીરાનું મોત

તેમજ સરહદી ગામોમાં બીએસએફની ટીમો પણ તૈનાત કરાઈ છે. રાજસ્થાનના માઉન્ટ આબુમાં આજે 210 મીમી, બાડમેરના સેવડામાં 136 મીમી વરસાદ ખાબક્યો હતો આથી અનેક નીચાનવાળા વિસ્તારો પાણીમાં ગરકાવ થયા હતા. વધુમાં છેલ્લા 24 કલાકની વાત કરવામાં આવે તો સૌથી વધુ અસર જાલોર, સિરોહી અને બાડમેરના રણ જિલ્લાઓમાં જોવા મળી હતી. પવનની થપાટે વીજ પોલ ધરાશાયી થયા હતા. આ વેળાએ એક 16 વર્ષની સગીરાનું મોત નિપજતા પરિવારજનોમાં અરેરાટી મચી જવા પામી છે.

માઉન્ટ આબુમાં 8.4 ઈંચ વરસાદ
માઉન્ટ આબુમાં 8.4 ઈંચ વરસાદ બાદ હવામાન વિભાગે બાડમેર, જાલોર, સિરોહી અને પાલી માટે રેડ એલર્ટ જાહેર કરતા બાડમેરથી પસાર થતી 14 ટ્રેનો રદ કરાઇ છે. તથા અગમચેતીના ભાગરૂપે ઉદયપુરથી દિલ્હી અને મુંબઈની બે ફલાઈટોને પણ રદ કરી દેવામાં આવી છે. ભારે વરસાદને પગલે અનેક વિસ્તારોમાં પૂરના પાણી ઘુસ્યા હતા જેને લઈને વિસ્તારો પ્રભાવિત થયા હતા. તેમજ સરકારી કચેરીઓમાં પણ પાણી ભરાયા હતા અમુક નીચાણવાળા વિસ્તારોમાં લોકોના ઘરમાં પણ પાણી ઘુસ્યા હતા. જેને લઈને લોકોને હાલાકી ભોગવવાનો વારો આવ્યો હતો. બીજી બાજુ હવામાન વિભાગ દ્વારા પણ ભારે વરસાદને પગલે અનેક વિસ્તારોમાં ઓરેન્જ એલર જારી કરવામાં આવ્યું છે. સામે રેપિડે એક્શન ફોર્સની ટીમો પણ તૈનાત કરી દેવામાં આવી છે. તો આગમચેતીના ભાગરૂપે બાડમેર જિલ્લા પ્રશાસન દ્વારા નીચાણવાળા વિસ્તારોમાં રહેતા 9000 લોકોને સુરક્ષિત સ્થળે આશરો અપાયો હતો.