મેઘાનું આગમન / ગુજરાતમાં વરસાદનું જોર ઘટવાની આગાહી વચ્ચે આજે 73 તાલુકામાં મેઘની મહેર, વડોદરામાં ઠેર-ઠેર પાણી ભરાયા

Shyam

Last Updated: 10:28 PM, 24 June 2021

FOLLOW ON

શેર કરો

ગુજરાતમાં હવામાન વિભાગ દ્વારા સામાન્ય વરસાદની આગાહી વચ્ચે આજે 73 તાલુકામાં વરસાદ નોંધાયો હતો, સૌરાષ્ટ્રના અમરેલી સહિત દક્ષિણ ગુજરાતના ડાંગમાં વરસાદ વરસ્યો હતો

રાજ્યના 73 તાલુકામાં વરસ્યો વરસાદ
અત્યાર સુધીમાં પલસાણા 3.5 ઇંચ અને વધઇમાં 3 ઇંચ વરસ્યો વરસાદ
તિલકવાડામાં 2.75 ઇંચ અને ખેરગામમાં 2.5 ઇંચ વરસ્યો વરસાદ

ગુજરાતમાં એક સપ્તાહ માટે સામાન્ય વરસાદની આગાહી કરવામાં આવી હતી. આમ છતાં અમરેલી જિલ્લાના સાવરકુંડલામાં 4 દિવસના વિરામ બાદ ફરી વરસાદ વરસ્યો હતો. સવારના ઉકળાટ બાદ બપોર પછી ધીમે-ધારે વરસાદ શરૂ થયો હતો. વરસાદ શરૂ થતાં ખેડૂતોમાં ખુશી લાગણી જોવા મળી છે. જીંજુડા, પીઠવડી, સેંજળ, મેવાસામાં વરસાદના છાંટા જોવા મળ્યા હતા.

હવામાન વિભાગ દ્વારા કરાઈ હતી આગાહી

ગઈકાલે હવામાન વિભાગની આગાહી પ્રમાણે રાજ્યમાં હવે આગામી 1 સપ્તાહ સુધી ભારે વરસાદની કોઈ સંભાવના નથી. હવામાન વિભાગે માહિતી આપતા જણાવ્યુ કે, જૂન મહિનામાં ગુજરાતમાં સારો વરસાદ થયો છે. પણ 23 જૂનથી રાજ્યમાં વરસાદનું જોર ઘટશે. અને એક સપ્તાહ સુધી ગુજરાતમાં વરસાદની કોઈ એક્ટિવ સિસ્ટમ નથી. જેથી ભારે વરસાદની સંભાવના નથી. જોકે દક્ષિણ ગુજરાતમાં છૂટો છવાયો વરસાદ પડી શકે છે. તો રાજ્યભરમાં વરસાદી ઝાપટા પડી શકે છે.

આજે રાજ્યના 73 તાલુકામાં વરસ્યો વરસાદ