હવામાન / મુંબઈમાં પ્રિ-મોન્સૂનનાં પ્રથમ વરસાદથી લોકોને રાહત, 11 વિમાનો કરાયા ડાયવર્ટ

મુંબઇઃ શહેરમાં રવિવારનાં રોજ મોડી રાત્રે પ્રી-મોન્સૂને દેખાડો દીધો છે. વડાલા વિસ્તારમાં ધમાધમ વરસાદ થયો. આનાંથી લોકોને ગરમીથી સારી એવી રાહત મળી છે. હવામાન વિભાગે મોન્સૂન કેરલથી શરૂ થતા દેશનાં અન્ય ભાગોમાં પહોંચવાની પણ જાહેરાત કરી છે. દક્ષિણ ભારતમાં વરસાદ શરૂ થયો છે. ઉત્તર ભારત સુધી મોન્સૂન સુધી પહોંચવામાં હજી થોડોક સમય બાકી છે.

રાષ્ટ્રીય રાજધાની ક્ષેત્ર (એનસીઆર), હરિયાણા અને પંજાબમાં 11 જૂન બાદ ગરમીથી રાહત મળશે, જ્યારે પશ્ચિમી વિક્ષોભને કારણે વરસાદ થશે. ત્યારે બીજી બાજુ પૂર્વોત્તરમાં વાતાવરણની સ્થિતિ મોન્સૂન અનુકૂળ હોવાંથી અસમ, મેઘાલય, નાગાલેન્ડ, મણિપુર, મિઝોરમ અને ત્રિપુરામાં ભારે વરસાદ થવાની સંભાવના દર્શાવી હતી.

ત્યારે સમગ્ર દેશનાં મોટા ભાગનાં વિસ્તારોમાં પણ હજી ક્યાંક ક્યાંક ગરમીનો કહેર શરૂ છે. ઉત્તર ભારતનાં મેદાની વિસ્તારો, મધ્ય ભારત અને દક્ષિણ ભારતનાં અનેક વિસ્તારોમાં પારો 45 ડિગ્રી સેલ્સિયસને પાર જઇ ચૂકેલ છે.

Mumbai: People play in the rain outside as heavy showers lash different parts of the city. #Maharashtra pic.twitter.com/M1ZsbMQeCW

— ANI (@ANI) June 10, 2019

ભારતીય હવામાન વિભાગ અનુસાર, મુંબઇમાં આજે પણ તેજ વરસાદનાં એંધાણ છે. હવામાન વૈજ્ઞાનિકોનાં કહેવા અનુસાર મુંબઇમાં આગામી બે દિવસોમાં એક તેજીથી જ ધારદાર વરસાદ થતો રહેશે. હવામાન વિભાગનાં કહેવા અનુસાર મુંબઇ અને તેની આસપાસનાં વિસ્તારોમાં 11 જૂનથી 13 જૂન સુધી હળવો વરસાદ થશે. ત્યારે 14થી 17 જૂન સુધીમાં ધારદાર વરસાદ થવાનાં એંધાણ છે.

અરબ સાગરમાં ઓછાં દબાણને કારણ મુંબઇમાં વરસાદઃ
અરબ સાગરમાં ઓછાં દબાણ બાદ મુંબઇમાં ભારે વરસાદ થઇ શકે છે. મોડી રાત્રીએ શરૂ થયેલ ભારે વરસાદ હજી પણ કેટલાંક વિસ્તારોમાં શરૂ હતો. વરસાદને લઇને થાઇ એરવેઝનું એક વિમાન પણ રનવે પર સાઇટ લાઇટ સાથે અથડાયું હતું.

11 વિમાનો કરાયા ડાયવર્ટઃ
મોન્સૂનનો પ્રથમ વરસાદ અને ખરાબ વાતાવરણને કારણે મુંબઇ એરપોર્ટથી ઓછામાં ઓછાં 11 વિમાનોને ડાયવર્ટ કર્યા હોવાનાં સમાચાર છે. ભારે વરસાદથી જ્યાં લોકોને રાહત મળી છે તો બીજી બાજુ તેની અસર રેલ્વે સેવા પર પણ જોવા મળી. અનેક ટ્રેનો પણ મોડેકથી ચાલી રહી છે.