પ્રાણ પ્રતિષ્ઠા મહોત્સવ / એક ગાય અને ઘોડીને કારણે થયો વાળીનાથ ધામનો વિકાસ, મહંત શ્રી જયરામગીરી બાપુએ વર્ણવી 900 વર્ષ પહેલાની કથા

વાળીનાથ મંદિર તરભની વાત કરીએ તો પરમ પૂ. બળદેવગીરીજી મહારાજ જેઓ 12 વર્ષની ઉંમરે ગાદી પર બિરાજમાન થયા હતા.  88 વર્ષ સુધી આ ગાદી પર મહંત તરીકે ફરજ બજાવેલી હતી. અને 2021 માં તેઓ બ્રહ્મલીન થયા અને એમનો જ વિચાર હતો કે, સરસ મજાનું શિવધામ અહીંયા બને તેવો વિચાર સેવકો સમક્ષ રજૂ કર્યો હતો. અને 2011 માં આનું શિલાન્યાસ પૂજન કરવામાં આવ્યું હતું. 14 વર્ષ સુધી આ મંદિરનું કામ ચાલ્યું છે.

આ મંદિરની વાત કરીએ તો  1 લાખ 50 હજારથી પણ વધારે ઘન ફૂટથી પણ વધારે પથ્થર વપરાયો છે. અલગ અલગ રાજ્યોનાં કારીગરો કામ કરી રહ્યા હતા.  જેમાં રાજસ્થાન, ઓરિસ્સા, બંગાળ સહિતના રાજ્યોનાં કારીગરો કામ કરી રહ્યા હતા. 

22 મી ફેબ્રુઆરીએ પ્રાણ પ્રતિષ્ઠા મહોત્સવ યોજાશે
મંદિરની હાઈટની વાત કરીએ તો મંદિરની હાઈટ 100 ફૂટની છે. તેમજ તેનો ઘેરાવો સોમનાથ મંદિર કરતા પણ વધારે છે. આજે આ શિવધામ તૈયાર થઈ રહ્યું છે. જેનો 22 મી  ફેબ્રુઆરીએ પ્રાણ પ્રતિષ્ઠા મહોત્સવ યોજાવા જઈ રહ્યો છે. 

મંદિર સાથે જોડાયેલી છે 900 વર્ષ જૂની લોકવાયકા
900 વર્ષ જૂની પરંપરામાં જ્યારે પરમ પૂ. આદ્યસ્થાપક વિરમગીરીજી મહારાજ જ્યારે અહીંયા ઉપાસના માટે આવેલા અને વર્ષ સુધી અહીંયા ઉપાસના કર્યા બાદ સ્વયંભૂ મૂર્તિઓ છે. એ સમયે એમને ગાય તેમજ ઘોડી અર્પણ કરવામાં આવી હતી. પૂજ્ય બાપુનો આદેશ કર્યો હતો કે, જ્યાં સુધી આનો વંશવેલો મંદિરમાં હશે ત્યાં સુધી મંદિરમાં ખૂબ પ્રગતિ થશે. વંશવેલો આજે પણ ચાલી રહ્યો છે.  હાલ 300 થી વધુ ગાયો છે તેમજ લગભગ 15 થી વધુ  ઘોડીઓની પણ સેવા થાય છે. 

4000 માણસો એક સાથે જમી શકે તેટલું મોટું અન્નક્ષેત્ર
અન્નક્ષેત્રની વાત કરીએ તો, 900 વર્ષથી આ પરંપરામાં અન્નક્ષેત્રનો પણ મહિમા રહ્યો છે. અને એ ટાઈમથી અન્નક્ષેત્રપણ ચાલી રહ્યું છે.  તેમજ આદ્યતન અન્નક્ષેત્ર હાલ વર્તમાનમાં બની ચૂક્યું છે. તેમજ તેની કેપેસિટીની વાત કરીએ તો એક સાથે ચાર હજાર માણસ જમી શકે તેટલો મોટો અન્નપૂર્ણા ભવન પણ અહીં બનાવવામાં આવ્યું છે. 

વધુ વાંચોઃ સુરત દુષ્કર્મ કેસમાં જેલમાં બંધ આરોપી નારાયણ સાંઈ જામીન અરજી ફગાવાઈ, આસારામને કર્યા હતા આગળ

ભવિષ્યમાં  ગુરૂકુળની પણ સ્થાપના કરવામાં આવશે
તેમજ ભવિષ્યમાં અહીયા ગુરૂકુળની સ્થાપના કરવાની છે. તેમજ તેનું ખાતમુર્હત પણ થઈ ચૂક્યું છે. બીજા પણ સેવકો, ભક્તજનોની રહેવા માટેની વ્યવસ્થા પણ અહીંયા તૈયાર થઈ ચૂક્યું છે.  ભવિષ્ય માટે જે યાત્રાધામ તરીકે વિકસિત થઈ રહ્યું છે. તે પ્રકારની વ્યવસ્થા અહીંયા થઈ ચૂકી છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો