તમારા કામનું / પોસ્ટ ઓફિસની જોરદાર સ્કીમ: એક જ વાર રોકાણ કરો, ને આરામથી બેઠાં બેઠાં ખાઓ મીઠાં ફળ

• આ સ્કીમમાં રોકાણ કરવાથી મળશે શાનદાર રિટર્ન
• પોસ્ટ ઓફિસની આ સ્કીમમાં કરો રોકાણ
• આ સ્કીમમાં 6.9 ટકાથી 7.5 ટકા વ્યાજ મળે છે

દરેક વ્યક્તિ એવું ઈચ્છે છે કે, તે એવી જગ્યાએ રોકાણ કરે જ્યાં તેને શાનદાર રિટર્ન મળે અને પૈસા પણ સુરક્ષિત રહે. જો તમે પણ સારું રિટર્ન મેળવવા માંગો છો, તો તમારે ટાઈમ ડિપોઝિટ સ્કીમમાં રોકાણ કરવું જોઈએ. જેને સામાન્ય રીતે પોસ્ટ ઓફિસની FD કહેવામાં આવે છે. ટાઈમ ડિપોઝિટ સ્કીમના અનેક ફાયદા છે, જેમાં તમે નાની રકમનું પણ રોકાણ કરી શકો છો. રોકાણ કરવા માટે અલગ અલગ સમયગાળા હોય છે. આ સ્કીમમાં 6.9 ટકાથી 7.5 ટકા વ્યાજ મળે છે. 

ટાઈમ ડિપોઝિટ સ્કીમમાં રોકાણકારને લાંબા ગાળા માટે ટૂંકા ગાળા માટે રોકાણ કરવાની તક આપવામાં આવે છે. આ સ્કીમમાં 1 વર્ષ, 2 વર્ષ, 3 વર્ષ અને 5 વર્ષ માટે રોકાણ કરી શકે છે. આ સ્કીમમાં કોઈપણ ભારતીય નાગરિક ખાતુ ખોલાવી શકે છે. 3 વયસ્ક પણ જોઈન્ટ એકાઉન્ટ ખોલાવી શકે છે. આ સ્કીમમાં ન્યૂનતમ 1,000 રૂપિયાનું રોકાણ કરી શકાય છે. 

વ્યાજ
પોસ્ટ ઓફિસની ટાઈમ ડિપોઝિટ સ્કીમમાં એક વર્ષ માટે રોકાણ કરવામાં આવે તો 6.9 ટકા વ્યાજ મળે છે. ટાઈમ ડિપોઝિટ સ્કીમમાં બે વર્ષ માટે રોકાણ કરવામાં આવે તો 7  ટકા વ્યાજ મળે છે. આ સ્કીમમાં ત્રણ વર્ષ માટે રોકાણ કરવામાં આવે તો 7.10 ટકા વ્યાજ મળે છે અને પાંચ વર્ષ માટે રોકાણ કરવામાં આવે તો 7.5 ટકા વ્યાજ મળે છે. 

ટેક્સ છૂટ
પોસ્ટ ઓફિસની ટાઈમ ડિપોઝિટ સ્કીમમાં પાંચ વર્ષ માટે રોકાણ કરવામાં આવે તો તે રકમ પર ઈન્કમટેક્સ એક્ટ, 1961ના સેક્શન 80C હેઠળ ટેક્સ છૂટનો લાભ મળે છે. પાંચ વર્ષ કરતા ઓછા સમયગાળાની સ્કીમમાં રોકાણ કરવામાં આવે તો તે ડિપોઝિટ્સ પર ટેક્સ છૂટનો લાભ મળતો નથી. આ FD મેચ્યોર થાય તે પહેલા પૈસા ઉપાડવામાં આવે તો પેનલ્ટી લાગે છે. 

વધુ વાંચો: જલ્દી કરો! ભારતીય નૌસેનામાં નોકરી મેળવવાનો આ છે ગોલ્ડન સમય, મળશે 56000 સુધીની સેલરી, જાણો અંતિમ તારીખ

પાંચ વર્ષમાં 7,24,974 રૂપિયાનું મળશે રિટર્ન
આ સ્કીમમાં પાંચ વર્ષ સુધી રોકાણ કરવામાં આવે તો રોકાણકારને વ્યાજ સહિત 7,24,974 રૂપિયા મળશે. પાંચ વર્ષમાં રોકાણકારને વ્યાજ તરીકે 2,24,974 રૂપિયા મળશે. ત્રણ વર્ષ સુધી રોકાણ કરવામાં આવે તો રોકાણકારને વ્યાજ સહિત 6,17,538 રૂપિયા મળશે. ત્રણ વર્ષમાં રોકાણકારને વ્યાજ તરીકે 1,17,538 રૂપિયા મળશે.