ના હોય! / માત્ર 26 રૂપિયામાં વિદેશયાત્રા કરવાનો મોકો: મુંબઈથી જ મળશે ફ્લાઇટ, એરલાઇન્સ આપી રહી છે ઓફર

• પ્રકૃતિ પ્રેમીઓના હોટ ફેવરિટ વિયેતનામની એર ટિકિટના માત્ર 26 રૂપિયા
• વિયેતનામમાં ઉજવાતા બૌદ્ધ તહેવારો વિશ્વભરમાં પ્રખ્યાત
• આ ઓફરનો લાભ લેવા માટે 13 જુલાઈ સુધીમાં ટિકિટ બુક કરાવવી પડશે

પ્રકૃતિ પ્રેમીઓ ફરવા માટે વિયેતનામને ખૂબ જ પસંદ કરે છે. અહીં ઉજવાતા બૌદ્ધ તહેવારો વિશ્વભરમાં પ્રખ્યાત છે. વિશ્વના ઘણા દેશોમાંથી લોકો અહીં બનેલા પેગોડાને જોવા માટે આવે છે. સુંદર બીચ અને પર્વતીય વિસ્તારોની સુંદરતા માટે વિયેતનામ પ્રવાસીઓમાં પસંદ કરવામાં આવે છે. જોકે તમારે  વિયેતનામ જવું છે પરંતુ હવાઈ મુસાફરીનું ભાડું જોઈને તમને બજેટ બગડવાનો ડર લાગે છે ? તો હવે વિયેતનામ ફરવા જવાનો આ તમારી માટે સારો મોકો છે. કેમ કે, અહીં તમને માત્ર 26 રૂપિયામાં એર ટિકિટ મળશે.

જાણો શું છે 26 રૂપિયાની ટીકીટનું સત્ય ? 

આ શાનદાર ઓફર વિયેતનામની વિયેટજેટ એરલાઈન્સ દ્વારા લેવામાં આવી છે. કંપની માત્ર 9,000 વિયેતનામી ડોંગ (VND) ના હવાઈ ભાડા પર ટિકિટ ઓફર લઈને આવી છે. વિયેતનામી ચલણનું મૂલ્ય ભારતીય ચલણ સામે ઘણું ઓછું છે અને 9,000 વિયેતનામી ડોંગની રેન્જ લગભગ 25 થી 30 રૂપિયા છે. એરલાઇન્સની આ ઑફર તમામ સ્થાનિક અને આંતરરાષ્ટ્રીય રૂટની ફ્લાઇટ્સ માટે છે.

મુસાફરીની સમયરેખા કઈ હશે ? 

આ ઓફરનો લાભ લેવા માટે તમારે 13 જુલાઈ સુધીમાં ટિકિટ બુક કરાવવી પડશે. જ્યારે તમે 26 માર્ચ 2023 પછી મુસાફરી માટેનો સમય પસંદ કરી શકો છો. જ્યારે ભારતીય પેસેન્જર માટે આ ઓફર સપ્ટેમ્બરથી શરૂ થશે. તેઓ નવી દિલ્હી અને મુંબઈથી હનોઈ, હો ચી મિન્હ સિટી અને વિયેતનામમાં ફુ ક્વોકની ટિકિટ બુક કરી શકે છે.

ભારતમાં આ સેવા શરૂ કરાઇ છે 

VietJetએ તાજેતરમાં ભારતમાંથી 5 નવા આંતરરાષ્ટ્રીય રૂટ પર હવાઈ સેવા શરૂ કરી છે. જેમાં દિલ્હી, મુંબઈ, હૈદરાબાદ, અમદાવાદ અને બેંગ્લોરને ડા નાંગ શહેર સાથે જોડવામાં આવ્યા છે. જ્યારે તે પહેલાથી જ 4 હવાઈ માર્ગો પર સેવા ધરાવે છે. આમાં દિલ્હી અને મુંબઈથી હનોઈ અને હો ચી મિન્હ સિટીની સેવાનો સમાવેશ થાય છે.

ફરવા માટે પ્રકૃતિ પ્રેમીઓનું હોટ ફેવરિટ છે વિયેતનામ

પ્રકૃતિ પ્રેમીઓમાં વિયેતનામ ખૂબ જ પસંદ કરવામાં આવે છે. અહીં ઉજવાતા બૌદ્ધ તહેવારો વિશ્વભરમાં પ્રખ્યાત છે. તે જ સમયે, વિશ્વના ઘણા દેશોમાંથી લોકો અહીં બનેલા પેગોડાને જોવા માટે આવે છે. સુંદર બીચ અને પર્વતીય વિસ્તારોની સુંદરતા માટે વિયેતનામ પ્રવાસીઓમાં આકર્ષણનું કેન્દ્ર છે.