વિદેશનીતિ / રશિયા બાદ વધુ એક દેશ ભારતને સસ્તામાં ક્રૂડ આપવા તૈયાર, અમેરિકા સાથે છે કટ્ટર દુશ્મની

Priyakant

Last Updated: 10:35 AM, 10 July 2022

FOLLOW ON

શેર કરો

ભારતે વર્ષ 2019 પછી આ દેશ પાસે ક્રૂડ તેલ ખરીદવાનું બંધ કર્યું હતું, ભારત જેવો દેશ જો ફરી આ દેશ પાસેથી ક્રૂડ ખરીદે તો દેશની ઈકોનોમી માટે સારી બાબત

ભારત અને ઈરાન વચ્ચે છેલ્લા એક મહિનામાં ત્રણ વખત વાર્તાલાપ
ભારત હાલ રશિયાથી ક્રૂડ ખરીદે છે તેમ ઈરાનથી પણ તેલ ખરીદે: ઈરાન
ઈરાન ભારતને ક્રૂડ ખરીદીમાં રશિયાની જેમ તમામ સારી સુવિધા આપવા કહ્યું

ભારત અને ઈરાન વચ્ચે છેલ્લા એક મહિનામાં ત્રણ વખત વાર્તાલાપ થયો છે. જોકે તેમાં ઇરાને પણ વારંવાર એવું જ કહ્યું છે કે, જેમ આંતરરાષ્ટ્રીય પ્રતિબંધને નજરઅંદાજ કરી ભારત હાલ રશિયાથી ક્રૂડ ખરીદે છે તેમ ઈરાનથી પણ તેલ ખરીદે. જેના વળતરમાં ઈરાન ભારતને ક્રૂડ ખરીદીમાં તમામ સારી સુવિધા આપશે જે હાલમાં રશિયા આપી રહ્યું છે.

ભારત અને ઈરાન વચ્ચે થઈ રહી છે વાતચીત

જોવા જઈએ તો આંતરરાષ્ટ્રીય મંચ ઉપર વિદેશમંત્રી એસ જયશંકર ઈરાનને તેલ નિકાસની છુટ આપવાની માંગ કરી ચૂક્યા છે. જોકે ભારતે હજી સુધી ઈરાનને આ પ્રકારનો કોઈ પાક્કો વાયદો નથી કર્યો. જૂન મહિનામાં ઈરાનના વિદેશમંત્રી આમિર અબ્દોલાહીયા પહેલા નવી દિલ્હીની યાત્રા પર આવ્યા અને તે બાદમાં ઉપવિદેશમંત્રી મેહદી સફારીએ પણ ભારતની મુલાકાત કરી હતી. જે બાદમાં હવે વિદેશ સચિવ વિનય કવાત્રાએ ઈરાનને રાજનીતિક મામલે ઉપ મંત્રી અલી વાઘેરી કની સાથે વાત કરી છે. આ ત્રણેય વાર્તાલાપોમાં બે મુદ્દા પર જ સૌથી વધુ વાત થઈ છે.

આ કારણે ભારત સાથે જોડાવા માંગે છે ઈરાન

2019-19માં અમેરિકાના નેતૃત્વમાં ઈરાન ઉપર પ્રતિબંધ લગવાયો હતો. જેની પહેલા ભારત ઈરાન પાસેથી સૌથી વધુ ક્રૂડ તેલ ખરીદવાવાળો દેશ રહ્યો છે. ભારતે વર્ષ 2019 પછી ઈરાન પાસે ક્રૂડ તેલ ખરીદવાનું બંધ કર્યું છે. ભારત જેવો દેશ જો ફરી ઈરાન પાસેથી ક્રૂડ ખરીદે તો ઈરાનની ઈકોનોમી માટે સારી બાબત કહી શકાય.

સંકળાયેલા મુદ્દાઓ

Crude oil crude iran ઈરાન ક્રૂડ ઓઇલ ભારત રશિયા Foreign policy