- ઈઝરાયેલ-હમાસ યુદ્ધ મામલો
- વડાપ્રધાન મોદીએ ઈરાનના રાષ્ટ્રપતિ સાથે કરી ટેલિફોનિક ચર્ચા
- સોશિયલ મીડિયા X એટલે કે ટ્વીટર પર પીએમ મોદીએ માહિતી આપી
ઈઝરાયેલ-હમાસ યુદ્ધ મામલે વડાપ્રધાન નરેન્દ્ર મોદીએ સોમવારે ઈરાનના રાષ્ટ્રપતિ ઈબ્રાહિમ રાઈસી સાથે ટેલિફોનિક ચર્ચા કરી હતી. આ દરમિયાન તેઓએ યુદ્ધના કારણે ઉભી થયેલી પરિસ્થિતિ વિશે સંપૂર્ણ ચર્ચા કરી હતી. જે મામલે સોશિયલ મીડિયા X એટલે કે ટ્વીટર પર પીએમ મોદીએ માહિતી આપી હતી. વધુમા ચર્ચા દરમિયાન આતંકવાદ, આતંકવાદી ઘટનાઓ, હિંસા અને નાગરિકોના મોતને લઈ બંને પક્ષે ચિંતા વ્યકત કરાઈ હતી અને તેમાથી ઉગરવાની દિશા અંગે ચર્ચા થઈ હતી.
હવામાં અને જમીન પર સતત હુમલાઓ
ઇઝરાયલ-હમાસ યુદ્ધને કારણે વધેલા તણાવને રોકવા, સહાય અને શાંતિ મામલે બને પક્ષે એકસુરતા દાખવી હતી. બીજી બાજુ હાલની સ્થિતિએ ગાઝામાં ઇઝરાયેલી સેના દ્વારા હમાસના પ્રાથમિક અને માળખાકીય સુવિધાને નિશાન બનાવીને સતત વાર કરવામાં આવી રહ્યા છે. હવામાં અને જમીન પર સતત હુમલાઓ યથાવત છે.
9,700 થી વધુ લોકોના જીવ ગયા
સૈન્યના પ્રવક્તા રિયર એડમિરલ ડેનિયલ હગારીએના કહેવા પ્રમાણે હમાસના અગાઉના હુમલાના જવાબની દિશામાં કાર્યવાહી ચાલુ છે. બીજી તરફ, CNN, પેલેસ્ટિનિયન આરોગ્ય મંત્રાલયને ટાંકીને કહ્યું કે હુમલામાં સૌથી વધુ રહેણાંક વિસ્તારો, હોસ્પિટલો, શરણાર્થી શિબિરો અને શાળાઓને નિશાન બનાવાય હોવાથી 9,700 થી વધુ લોકોના જીવ ગયા છે.
