મા રેવા / ગુજરાત માટે સૌથી મોટા ખુશીના સમાચારઃ નર્મદા ડેમ પહેલીવાર ઐતિહાસક સપાટીએ! ત્રણ વર્ષ સુધી નહીં ખૂટે પાણી

Hiren

Last Updated: 05:31 PM, 15 September 2020

FOLLOW ON

શેર કરો

ગુજરાતની જીવાદોરી સમાન સરદાર સરોવર ડેમ છલોછલ ભરાઈ ગયો છે. આ સિઝન માં પ્રથમવાર ડેમ સંપૂર્ણ ભરાયો છે. હાલ નર્મદા ડેમની જળ સપાટી 137.99 મીટરે પહોંચી છે. પાણીની ધીમી આવક ચાલુ છે. હવે માત્ર 1 સેમી વધતા ગણતરીના કલાકમાં મહત્તમ 138 મીટરે પહોંચશે. આમ ચોક્કસ કહી શકાય કે આવનારા બે વર્ષ માટે આ નર્મદા બંધ માંથી પાણીનો જથ્થો ખૂટે નહીં એટલો સંગ્રહિત જથ્થો છે.

નર્મદા ડેમ ઐતિહાસિક સપાટીએ પહોંચશે
હાલ ડેમની જળસપાટી 137.99 મીટરે પહોંચી
આ સિઝનમાં પહેલીવાર ડેમ ઐતિહાસિક સપાટીએ પહોંચશે

મધ્યપ્રદેશના ઇન્દોર ભારે વરસાદ પડે એટલે નર્મદા ડેમ આખો ભરાઇ જશે. પરંતુ વિશાલ સરદાર સરોવર છલોછલ ભરાઈ જતા નર્મદા નિગમના તમામ અધિકારીઓ સ્ટેન્ડ બાઈ નર્મદા ડેમ પર ગોઠવાઈ ગયા છે. આ સીઝનમાં પ્રથમવાર નર્મદા મહત્તમ સપાટી પર પહોંચ્યો છે. ત્યારે ઉપરવાસમાંથી આવનારી પાણી આવક પર તંત્ર વોચ રાખી રહ્યું છે.

ડેમ સંપૂર્ણ છલોછલ થયા બાદ પાણીની આવક ચાલુ રહેશે તો ડેમના દરવાજા ખોલવામાં આવશે. જેથી નર્મદા આધારિત વિસ્તારોની આખા વર્ષની પીવાના પાણી અને ખેતીના પાણીની ચિંતા દૂર થઇ ગઇ છે.

ડેમમાં 55 હજાર 213 કયુસેક પાણીની આવક

સરદાર સરોવરમાં હાલ પાણીની આવક 55213 ક્યુસેક જ્યારે રિવર બેડ પાવરના 6 યુનિટ સતત ચાલતા 54701 ક્યુસેક પાણી નર્મદા નદીમાં ઠલવાઇ રહ્યું છે. મુખ્ય કેનાલમાં 13500 ક્યુસેક પાણી છોડાય રહ્યું છે. હાલ સરદાર સરોવરમાં પાણીનો જીવંત જથ્થો 5935 મિલીયન ક્યુબીક મીટર થયો છે.

રાજ્યના ખેડૂતો અને સામાન્ય પ્રજા માટે ખુશીના સમાચાર એટલા માટે છે કારણ કે હવે મા રેવાના નીરથી રાજ્યને બેથી ત્રણ વર્ષ ચાલે એટલું પાણી સંગ્રહ થઇ ગયો છે, ગુજરાતમાં અતિવૃષ્ટીના માહોલ વચ્ચે આ એક સારા સમાચાર છે.

સંકળાયેલા મુદ્દાઓ

Narmada Sardar Sarovar Dam નર્મદા સરદાર સરોવર ડેમ sardar sarovar dam