લાલિયાવાડી / અમદાવાદના રોડ-રસ્તા પર અપરંપાર ભુવા, મેંગો મેળાનું ઉદ્ઘાટન કરનાર મેયર મોનસુનમાં ક્યાં?

Gayatri

Last Updated: 10:56 AM, 9 June 2020

FOLLOW ON

શેર કરો

દર વર્ષે મનપાનો પ્રિમોન્સુન પ્લાન પહેલા જ વરસાદમાં ધોવાઈ જાય છે આ વર્ષે પણ પહેલા જ વરસાદમાં અમદાવાદનો વિકાસ બતાવવા માટે બનાવેલા અંડર બ્રિજ બંધ કરવા પડ્યા હતા જ્યારે ભુવા અને ખાડાની તો વાત જ શી કરવી. મેળાવળા, સમિટ અને ઉત્સવમાં મસ્ત રહેતા તંત્રને સામાન્ય માણસના સવાલો કેમ સમજાતા નહી હોય?

ચોમાસા પહેલા અમદાવાદના રસ્તાઓની દશા બગડી
પહેલા વરસાદે જ AMCની પ્રિ-મોન્સૂનની કામગીરીની પોલ ખોલી
પહેલા વરસાદે જ અનેક વિસ્તારના રસ્તાઓની હાલત બિસ્માર

કરોડોના કોન્ટ્રાક્ટ, અબજોનું રિસરફેસિંગ, સામાન્ય માણસને તો યાદ પણ ન રહે એવા કરોડોના આભાસી બજેટ અને બજેટમાં ફાળવાતા નાણા. મનપાનો ખેલ મનપા જ જાણે તેવી પરિસ્થિતિનું અમદાવાદમાં નિર્માણ થયું છે. હજુ તો ચોમાસું વિધિસર શરૂ પણ નથી થયું ત્યારે પ્રિમોન્સુંગ એક્ટિવિટીમાં જ અમદાવાદના રોડ રસ્તાના હાલ બેહાલ થઈ ગયા છે.

જાહેરાતો મોટી મોટી પણ કામ?

રોડ રસ્તા અને વિકાસની ખાલી વાતો કરતું અમદાવાદ મનપા તંત્ર કાયમ વરસાદમાં હવાઈ જાય છે. ઉત્સવો મેળાવળાઓ અને સમિટીની સરકારને સામાન્ય માણસ માટે જાણે સમય જ નથી? અમદાવાના મેયર તો ખુદ રસ્તે કદી નીકળતા હોય તેવું લાગતા નથી. આજે પણ અમદાવાદમાં વેજલપુર, ડ્રાઈવીન સહિતના વિસ્તારોમાં પાણી ભરાવાથી લઈને તમામ રોડ રસ્તાની હાલત બિસ્માર થઈ ગઈ હતી ત્યારે પ્રશ્નો ઉઠી રહ્યા છે.