બિઝનેસ / કોટક મહિન્દ્રા બેંકના MD અને CEOએ આપી દીધું રાજીનામું, જાણો હવે કોણ સંભાળશે જવાબદારી

• ખાનગી ક્ષેત્રની બેંક કોટક મહિન્દ્રા બેંકને લઈ મોટા સમાચાર
• કોટક મહિન્દ્રા બેંકમાં મોટો ફેરફાર કરવામાં આવ્યો
• MD અને CEO ઉદય કોટકનું તેમના પદ પરથી રાજીનામું
• બેંકના જોઈન્ટ MD દીપક ગુપ્તા 31 ડિસેમ્બર સુધી જવાબદારી સંભાળશે  

ખાનગી ક્ષેત્રની બેંક કોટક મહિન્દ્રા બેંકને લઈ મોટા સમાચાર સામે આવ્યા છે. વાત જાણે એમ છે કે, કોટક મહિન્દ્રા બેંકમાં મોટો ફેરફાર કરવામાં આવ્યો છે. બેંકના MD અને CEO ઉદય કોટકે તેમના પદ પરથી રાજીનામું આપી દીધું છે. જેને લઈ બેંકે તેના શેરધારકોને શનિવાર, 2 સપ્ટેમ્બરના રોજ સ્ટોક એજન્સીને જાણ કરી હતી.

My letter is attached pic.twitter.com/vcSIEcvy2r

— Uday Kotak (@udaykotak) September 2, 2023

કોટક મહિન્દ્રા બેંકમાં હવે ઉદય કોટકના સ્થાને બેંકના જોઈન્ટ MD દીપક ગુપ્તા 31 ડિસેમ્બર સુધી જવાબદારી સંભાળશે. જોકે આ પ્રક્રિયા  માટે પણ કોટક મહિન્દ્રા બેંકે ભારતીય રિઝર્વ બેંક અને બેંકના સભ્યો પાસેથી મંજૂરી લેવી પડશે. આ પછી જ દીપક ગુપ્તા બેંકની જવાબદારી સંભાળી શકશે.