ઓફર / મારૂતિની નવી કાર ખરીદ્યા વિના જ ઘરે લઈ જાઓ, અમદાવાદ સહિત ચાર શહેરોમાં શરૂ નવી સ્કીમ

Shalin

Last Updated: 09:55 PM, 25 November 2020

FOLLOW ON

શેર કરો

જો તમે કાર ખરીદવા માંગો છો પણ તમારી પાસે પૈસા નથી તો મારુતિ સુઝુકી તમારા માટે એક આકર્ષક સબસ્ક્રાઈબ સ્કીમ લઇને આવ્યા છે. તમે આ સ્કીમ વડે અમદાવાદમાં સ્વીફ્ટનું LXI મોડેલ ફક્ત 14,665 રૂપિયા પ્રતિ મહિનાના દરે મેળવી શકો છો.

આ સ્કીમ અંતર્ગત તમે નવી ગાડી ઘરે લઇ જઈ શકો છો. હાલ આ સ્કીમને 4 શહેરો મુંબઈ, ચેન્નાઈ, અમદાવાદ અને ગાંધીનગરમાં લાગુ કરવામાં આવી છે પરંતુ આ યોજનાને 3 વર્ષમાં દેશના 60 શહેરોમાં લોન્ચ કરવાની યોજના છે.

મારુતિના કહ્યા પ્રમાણે તેણે આ માટે ઓરિક્સ કોર્પોરેશન સાથે જોડાણ કર્યું છે. આ સબસ્ક્રિપ્શન સ્કીમ પહેલા દિલ્હી NCR, બેંગ્લોર, હૈદરાબાદ અને પુણેમાં શરુ કરવામાં આવી હતી.

શું છે યોજના?

મારુતિએ કહ્યું છે કે આ યોજના પ્રમાણે ગ્રાહક ગાડીને ખરીદ્યા વિના ગાડી ચલાવી શકશે. આ માટે તેમણે માસિક ભાડું ભરવું પડશે. આ ભાડામાં ગાડીની સર્વિસીસ, વીમો, રસ્તામાં વાહન ખરાબ થઇ જવું તેવા તમામ ખર્ચનો સમાવેશ થઈ જશે.

એવું જાણવા મળ્યું છે કે આ યોજનાને સારો પ્રતિસાદ સાંપડ્યો છે. અત્યાર સુધી 6000થી વધારે ગ્રાહકોએ આ માટે પૂછપરછ કરી છે.

કઈ કઈ કારના વિકલ્પ મળે છે?

આ સ્કીમમાં તમને સ્વીફ્ટ, વીટારા બ્રેઝા, એર્ટીગા, નેક્સાની બલેનો, સીઆઝ અને XL6 જેવી ગાડીઓમાંથી કોઈ ગાડી સિલેક્ટ કરવાનો વિકલ્પ મળે છે.

સંકળાયેલા મુદ્દાઓ

Maruti Suzuki ahmedabad automobile અમદાવાદ ઓટોમોબાઈલ મારુતિ સુઝુકી Maruti Suzuki