મુશ્કેલી / મહારાષ્ટ્રમાં ફડણવીસને કારણે ભાજપના માથે મોટા સંકટના એંધાણ, એક ઝાટકે ઓછાં થઈ શકે આટલા ધારાસભ્યો

Bhushita

Last Updated: 10:56 AM, 8 December 2019

FOLLOW ON

શેર કરો

મહારાષ્ટ્રમાં સત્તા ખોવ્યા બાદ પણ બધું સારું ચાલી રહ્યું છે. પાર્ટીમાં હવે ઓબીસી વિરુદ્ધ બ્રાહ્મણ નેતાની રાજનીતિ શરૂ થતી જોવા મળી રહી છે. પાર્ટી નેતા પંકજા મુંડે સહિત 15 ઓબીસી ધારાસભ્યો સત્તારૂઢ એનસીપી, શિવસેના, કોંગ્રેસના મહાવિકાસ અઘાડીના સંપર્કમાં છે. જો કે ધારાસભ્યોએ હાલ સુધી કોઈ નિર્ણય કર્યો નથી. પણ અસમંજસની સ્થિતિ બની રહી છે.

મહારાષ્ટ્રમાં ભાજપને નડી શકે છે મોટું સંકટ
એકસાથે ઓછા થઈ શકે છે આટલા ધારાસભ્યો
પંકજા મુંડે સહિત અનેક ધારાસભ્યો છે મહાવિકાસ અઘાડીના સંપર્કમાં

મળતી માહિતી અનુસાર ધારાસભ્યોમાં આ નારાજગી છેલ્લા અઠવાડિયાથી જોવા મળી રહી છે. જ્યારે અન્ય તરફ અનુમાન છે કે રાજ્યના પૂર્વ મંત્રી અને દિવંગત કેન્દ્રીય મંત્રી ગોપીનાથ મુંડેની દીકરી પંકજા મુંડે પાર્ટીનો સાથ છોડી શકે છે. પંકજા મહારાષ્ટ્રની રાજનીતિમાં એક જાણીતો ઓબીસીનો ચહેરો છે. જો તે વિધાનસભા ચૂંટણીમાં તેમને હારનો સામનો કરવો પડ્યો હતો.

ધારાસભ્યોમાં જોવા મળી રહ્યો છે રોષ

પંકજાની જેમ ધારાસભ્યોમાં પણ રોષ જોવા મળી રહ્યો છે કે પૂર્વ મુખ્યમંત્રી દેવેન્દ્ર ફડણવીસના કાર્યકાળના સમયે પાર્ટીએ તેમને સાઈડલાઈન કરી દીધા હતા. ઉલ્લેખનીય છે કે ફડણવીસ પાર્ટીનો બ્રાહ્મણ ચહેરો છે અને વિધાનસભામાં વિપક્ષના નેતા છે. ધારાસભ્યોના નિર્ણય લેવા પાછળના કારણમાં બીજેપી રાજ્યમાં વિધાનસભામાં સૌથી વધારે સીટવાળા પાર્ટી નેતા છે. પરંતુ સરકાર બનાવવામાં હારી ચૂક્યા બાદ આ ઓબીસી નેતા પાર્ટીના રાજ્ય નેતૃત્વની વિરુદ્ધમાં રાજીનામું આપીને પોતાની અસહમતિ દર્શાવી શકે છે.

ભાજપના એક પૂર્વ મંત્રીએ કહ્યું કે 2014માં ભાજપથી દૂર થયેલા બ્રાહ્મણોને આકર્ષવા માટે ફડણવીસને મુખ્યમંત્રી બનાવવામાં આવ્યા હતા. તેમની લીડરશીપમાં પાર્ટી બ્રાહ્મણોને પોતાના પક્ષમાં લેવામાં સફળ રહી. પાર્ટીનો મૂળ વોટ બેંક રાજ્યના બ્રાહ્મણ જ છે. આ સિવાય ફડણવીસ પાર્ટીમાં ચાલી રહેલી ચર્ચાઓ માટે જવાબદાર છે. મહારાષ્ટ્રમાં લગભગ 45 ટકા મતદાતાઓ ઓબીસીના છે. એવામાં ઓબીસી નેતાઓનું પાર્ટીથી દૂર થવું ભાજપમાં ઓબીસી વિરુદ્ધ બ્રાહ્મણની રાજનીતિને વધારે વેગ આપી શકે છે.

સંકળાયેલા મુદ્દાઓ