ચૂંટણી / શું ભાજપ સાધ્વી પ્રજ્ઞાને કરશે પક્ષ બહાર...? અમિત શાહે કહ્યું કે....

vtvAdmin

Last Updated: 10:48 PM, 17 May 2019

FOLLOW ON

શેર કરો

લોકસભા ચૂંટણી 2019માં ભોપાલ બેઠક પર ભાજપના ઉમેદવાર પ્રજ્ઞાસિંહ ઠાકુરના વિવાદિત નિવેદનોને ભાજપ પહેલેથી જ ખફા છે. પરંતુ આ મામલે શું એક્શન લેવામાં આવશે. જે મામલે ભાજપના રાષ્ટ્રીય અધ્યક્ષ અમિત શાહે જવાબ આપ્યો હતો.

અત્રે જણાવી દઇએ કે, 2014 બાદ વડાપ્રધાન મોદીની પ્રથમ પ્રેસ કોન્ફરન્સમાં અમિત શાહે કહ્યું કે, સાધ્વી પ્રજ્ઞા ઠાકુરને કારણ દર્શાવો નોટિસ જાહેર કરવામાં આવી છે અને 10 દિવસની અંદર આ મામલે જવાબ આપવાનો ઉલ્લેખ કરાયો છે. તેમના જવાબ બાદ પાર્ટીની અનુશાસન કમિટી આ વિષય પર નિર્ણય કરશે.

આપને જણાવી દઇએ કે, પ્રજ્ઞા ઠાકુરે મહાત્મા ગાંધીના હત્યારા નાથુરામ ગોડસેને દેશભક્ત કહ્યા હતા. તેમણે કહ્યું કે, નાથુરામ ગોડસે દેશભક્ત છે અને દેશભક્ત રહેશે. તેમના આ પ્રકારના નિવેદન બાદ વિપક્ષ હરકતમાં આવ્યું હતું અને તેમના પર શાબ્દિક પ્રહારો કર્યા હતા. જો કે, ભાજપે આ વિવાદિત નિવેદન મામલે કોઇ પ્રતિક્રિયા દર્શાવી નથી પરંતુ ત્યારબાદ પ્રજ્ઞા ઠાકુરે પોતાના આ નિવેદન મામલે માફી માગી હતી.

ઉલ્લેખનીય છે કે, સાધ્વી પ્રજ્ઞા છેલ્લા કેટલાક સમયગાળાથી ખાસ ચર્ચામાં રહ્યા છે. તેમણે મુંબઇમાં બનેલ 26/11ની ઘટનાને લઇને પણ વિવાદિત નિવેદન આપ્યું હતુ. ત્યારે ફરીએકવાર નથુરામ ગોડસેને દેશભક્ત ગણાવી તેણીએ વિવાદનો મધપૂડો છેડ્યો હતો.

જો કે, અમિત શાહે આજરોજ પ્રેસ કોન્ફરન્સમાં આ મામલા વિશે વાત કરીને સાધ્વીને નોટિસ ફટકારવામાં આવી હોવાનું જણાવ્યું હતુ. ત્યારે આ માલે જોવું જ રહ્યું કે આગામી સમયમાં ભાજપ દ્વારા સાધ્વી પ્રજ્ઞા સામે કેવા પ્રકારે પગલા લેવામાં આવે છે.

સંકળાયેલા મુદ્દાઓ

BJP Lok Sabha Election 2019 Narendra Modi Sadhvi Pragya Thakur amit shah Lok Sabha Elections 2019