NULL / ફિલ્મોની 'લોસ્ટ એન્ડ ફાઉન્ડ' સ્ટોરીની જેમ સચિવ જૈનને અચાનક મળ્યો બાળપણનો મિત્ર

vtvAdmin

Last Updated: 06:54 PM, 30 March 2019

FOLLOW ON

શેર કરો

NULL

બે રાષ્ટ્રોના સંબંધો વધુ મજબૂત થાય જે કારણે વિવિધ પ્રકારના પ્રતિનિધિમંડળ મહારાષ્ટ્રની મુલાકાતે આવતા હોય છે. આવા જ એક પ્રતિનિધિમંડળમાં નાનપણનો ક્લાસમેટ જો અચાનક સામે આવીને ભેંટી પડે તો સુખદ આશ્ચર્યનો આંચકો લાગશે કે નહીં? બરાબર એવી જ એક ઘટના મંત્રાલયમાં ગઇ કાલે જોવા મળી.

મહારાષ્ટ્ર રાજ્યના નવા મુખ્યસચિવ દિનેશ કુમાર જૈનની મુલાકાતે ગઇ કાલે એક પ્રતિનિધિ મંડળ આવ્યું હતું. આ ઘટનાના સાક્ષીદાર બનવાનો અવસર બાંગ્લાદેશી મીડિયા અને રાજ્યના પ્રશાસનમાંના અમુક અધિકારીઓને મળ્યો હતો.

મુખ્યસચિવ દિનેશકુમાર જૈનની મુલાકાતનો પહેલો જ કાર્યક્રમ આ પ્રતિનિધિમંડળનો હતો. ગઇકાલે સાંજના છ વાગે મુખ્યસચિવના કમિટી રૂમમાં બાંગ્લાદેશનું મીડિયાનું પ્રતિનિધિમંડળ પધાર્યું હતું. આ બધા લોકોની પરિચયની ફોર્માલિટી પૂર્ણ થઇ.

મુખ્યસચિવએ પ્રતિનિધિ મંડળનું સ્વાગત કરીને મુંબઇ દેશનું આર્થિક પાટનગર મહારાષ્ટ્ર અને બોલીવૂડ આ પ્રત્યેની જાણકારી પ્રતિનિધિ મંડળને આપી. બધી ચર્ચાઓ વિગતવાર જાણકારીની લે-આપ થયા બાદ આ પ્રતિનિધિ મંડળના એક સભ્ય અલીમાસ કબીર પોતાની જગ્યા ઉપરથી ઉઠયા અને છેક મુખ્ય સચિવ પાસે ગયા અને 'અરે મિત્ર આપણે એક જ સ્કૂલમાં જ નહી પણ એકજ ક્લાસમાં બન્ને સાથે ભણતા હતા!' એવું કહીને જુની યાદ અપાવી હતી.

તમને જણાવી દઈયે કે કબીર હાલ બાંગ્લાદેશના ડેલી 'બંગબાદ'ના તંત્રી તરીકે કામ કરે છે 1971થી 1976 દરમિયાનનો સમય તરત જ મુખ્ય સચિવ દિનેશકુમાર જૈનની નજર સામે આવ્યો અજમેર રાજસ્થાનના મેપો સેડંડરી સ્કૂલમાં 6થી 11 સુધી દિનેશકુમાર જૈન અને કબીર એક જ ક્લાસમાં ભણતા હતા.

સંકળાયેલા મુદ્દાઓ