ચાર્જિસ / પોસ્ટ ઓફિસની સેવિંગ સ્કીમ્સમાં પૈસા જમા કર્યા છે તો તમારા માટે છે કામના સમાચાર, આટલા ચાર્જિસ વસૂલાય છે

• પોસ્ટ ઓફિસની સ્મોલ સેવિંગ્સ સ્કીમ્સમાં રોકાણ કરવું બેસ્ટ ઓપ્શન છે
• પોસ્ટ ઓફિસની સ્મોલ સેવિંગ્સ સ્કીમ્સમાં અલગ અલગ ચાર્જિસ લાગે છે
• તેમાં સારા રિટર્નની સાથે પૈસા સુરક્ષિત રહેવાની ગેરંટી મળે છે

તમને જણાવી દઈએ કે, પોસ્ટ ઓફિસની સેવિંગ સ્કીમ્સ હમેશાંથી લોકો માટે ઈન્વેસ્ટમેન્ટનો બેસ્ટ વિકલ્પ રહી છે. તેમાં સારા રિટર્નની સાથે પૈસા સુરક્ષિત રહેવાની ગેરંટી મળે છે. એવામાં મોટાભાગના લોકો પોસ્ટ ઓફિસની સેવિંગ સ્કીમ્સમાં પૈસા જમા કરે છે, પરંતુ શું તમે જાણો છો કે પોસ્ટ ઓફિસની બચત યોજનાઓ પણ કેટલાક ચાર્જિસ પણ લાગી રહ્યાં છે. જેમાં નવી ચેકબુક, એકાઉન્ટ ટ્રાન્સફર કરવાનો ચાર્જ, એકાઉન્ટ સ્ટેટમેન્ટ કઢાવવાનો ચાર્જ સામેલ છે. 

ઓફિસની લોકપ્રિય સેવિંગ્સ સ્કીમ્સ

પોસ્ટ ઓફિસમાં રોકાણ માટે 9 સ્મોલ સેવિંગ્સ સ્કીમ છે. તેમાં પોસ્ટ ઓફિસ સેવિંગ્સ એકાઉન્ટ, નેશનલ સેવિંગ્સ રિકરિંગ ડિપોઝીટ એકાઉન્ટ (RD), સીનિયર સીટીઝન સેવિંગ્સ સ્કીમ (SCSS), નેશનલ સેવિંગ્સ ટાઈમ ડિપોઝીટ એકાઉન્ટ, નેશનલ ઈનકમ મંથલી ઈનકમ એકાઉન્ટ (MIS), પબ્લિક પ્રોવિડન્ડ ફંડ (PPF), કિસાન વિકાસ પત્ર (KVP), નેશનલ સેવિંગ્સ સર્ટિફિકેટ (NSC), સુકન્યા સમૃદ્ધિ યોજના (SSY) જેવી યોજનાઓ સામેલ છે. આ સ્કીમ્સના ફીચર્સ અલગ અલગ છે.

આ છે સેવિંગ સ્કીમ્સ પર સર્વિસ ચાર્જ

• ડુપ્લીકેટ પાસબુક જારી કરવા માટે 50 રૂપિયા ફી છે
• એકાઉન્ટ સ્ટેટમેન્ટ અને ડિપોઝીટ રિસીપ્ટ જારી કરવા માટે 20 રૂપિયા
• સર્ટિફિકેટ ખોવાઈ જવા કે ખરાબ થઈ જવા પર પાસ બુક જારી કરવા માટે પ્રતિ રજીસ્ટ્રેશન 10 રૂપિયા ફી છે. 
• એકાઉન્ટ ટ્રાન્સફર કરવા માટેનો ચાર્જ 100 રૂપિયા છે
• સેવિંગ્સ બેન્ક એકાઉન્ટમાં ચેક બુક જારી કરવા માટે એક કેલેન્ડર યરમાં 10 ચેક સુધી કોઈ ફી નથી લેવાતી, પરંતુ પછી એક ચેક માટે 2 રૂપિયા ફી છે
• એકાઉન્ટ પ્લેજિંગ માટે 100 રૂપિયા ફી છે
• નોમિનેશનને કેન્સલ કરવા અથવા બદલાવાનો ચાર્જ 50 રૂપિયા છે
• ચેક બાઉન્સ થવા પર ચાર્જિસ 100 રૂપિયા છે