Ganesh Chaturthi 2022 / ગણેશજીની મૂર્તિ ન લાવો તો પણ ઘરે આ ચાર રીતે કરી શકો છો પૂજા, જીવનના વિઘ્નો થઈ જશે દૂર

• આજે છે ગણેશ ચતુર્થી 
• જો મૂર્તિ  ન લાવ્યા હોય તો પણ મનાવી શકાય છે ગણેશ ચતુર્થી 
• ઘરમાં મોદક બનાવી શકાય અને પાડોશી કે સંબંધીઓ સાથે પૂજામાં સામેલ થઇ શકાય

 

ગણેશ ચતુર્થીના દિવસે ઘણા ભક્તો ઘરમાં ગણપતિ બાપ્પાની મૂર્તિ લાવે છે, પણ ઘણા એવા પણ ભક્તો છે, જે ઇચ્છીને પણ બાપ્પાનું સ્વાગત નથી કરી શકતા. આમાંથી અમૂક એવા લોકો હોય છે બીમાર હોય, અમૂક લોકોને ખૂબ જ કામ રહેતું હોય. ગણપતિ બાપ્પાનું સ્વાગત કર્યા બાદ પણ ઘણા એવા ધાર્મિક કાર્યો હોય છે, જે વ્યક્તિએ કરવા પડે છે અને ઘણાં પ્રકારના નિયમોનું પાલન પણ આ કામોમાં સામેલ છે. તમે ગણપતિને બોલાવી ન શકો, પણ તેમના આગમનનાં આ 10 દિવસ પોતાના મિત્રો-સંબંધીઓ સાથે મનાવી તો શકો જ છો. આમ પણ શ્રદ્ધા કર્મથી વધીને મનમાં હોય છે. આવો જાણીએ બાપ્પાની મૂર્તિની સ્થાપના કર્યા વગર કેવી રીતે મનાવવી ગણેશ ચતુર્થી. 

બાપ્પાની પૂજા 
નવા ગણપતિ નથી લાવ્યા, તો સીધી વાત છે કે વિસર્જન પણ નહીં કરી શકો. પરંતુ, ઘરમાં બાપ્પાની જે મૂર્તિ પહેલા જ છે, તેમની પૂજા તો તમે કરી જ શકો છો. બાપ્પા સામે માથું ઝુકાવવાથી જ તેઓ તમારા શ્રદ્ધાભાવને સમજી લેશે. 

સ્વાગતમાં થાઓ સામેલ 
પાડોશી અથવા સગા સંબંધીઓ જો ગણેશજીની મૂર્તિ લઈને આવી રહ્યાં છે, તો તેમની સાથે બાપ્પાનાં સ્વાગતમાં સામેલ થાઓ. સૌની સાથે નાચવા-ગાવામાં અને ગણપતિ બાપ્પા મોરયા બોલવામાં બિલકુલ અચકાશો નહીં. 

પૂજામાં થાઓ સામેલ 
સોસાઈટી કે ગલીમાં થતી ગણેશ પૂજામાં સવાર-સાંજ સામેલ થાઓ. તમે ઈચ્છો, તો તેમના કાર્યોમાં પણ મદદરૂપ થઇ શકો છો. સાફ સફાઈ કે પછી પૂજાણો ભોગ બનાવવામાં પણ યોગદાન આપી શકાય છે. 

મોદક બનાવો 
મોદક ભગવાન ગણેશને ખૂબ જ પ્રિય છે. ઘરમાં બાપ્પાની પસંદનાં મોદક બનાવીને તમે ઘરનાં મંદિરમાં ભોગ લગાવી શકો છો. આ તહેવાર અને ગણેશ ચતુર્થીનો હિસ્સો બનવાથી જ તમને ખુશી મળશે.