દુઃખદ / સાઉથના દિગ્ગજ ડાયરેક્ટરના નિધનના 25 દિવસ પછી પત્નીએ લીધા અંતિમ શ્વાસ, શોકમાં ડૂબ્યો પરિવાર

• કે વિશ્વનાથની પત્ની જયલક્ષ્મીએ અંતિમ શ્વાસ લીધા
• 25 દિવસ પહેલા થયું હતું કે વિશ્વનાથનું નિધન 
• 92 વર્ષની ઉંમરે કે વિશ્વનાથએ દુનિયાને કહ્યું હતું અલવિદા 

K Vishwanath's wife Jayalakshmi Passed Away: સાઉથ સિનેમાથી વધુ એક ખરાબ સમાચાર સામે આવી રહ્યા છે. જણાવી દઈએ કે દિગ્ગજ દિવંગત ફિલ્મ નિર્માતા કે વિશ્વનાથની પત્ની જયલક્ષ્મીનું નિધન થયું છે. મળતી માહિતી મુજબ વિશ્વનાથની પત્નીએ રવિવારે અંતિમ શ્વાસ લીધા હતા. 

કે વિશ્વનાથની પત્ની જયલક્ષ્મીએ અંતિમ શ્વાસ લીધા
રિપોર્ટ્સમાં કહેવામાં આવી રહ્યું છે કે જયલક્ષ્મીનું નિધન તેમના હૈદરાબાદના ઘરે થયું હતું. સાથે જ એમ પણ જણાવ મળ્યું છે કે જયલક્ષ્મીનું નિધન ઉંમર સંબંધિત સમસ્યાઓને કારણે થઈ છે. તેઓ ઘણા સમયથી બીમાર હતા જે બાદ એમને રવિવારે દુનિયાને અલવિદા કહી દીધું છે. કે વિશ્વનાથના પત્ની જયલક્ષ્મીના નિધનથી સાઉથ ઇન્ડસ્ટ્રી આઘાતમાં છે અને લોકો સોશિયલ મીડિયા પર એમનું દુઃખ વ્યક્ત કરી રહ્યા છે. 

దివంగత దర్శకుడు కె.విశ్వనాథ్ గారి సతీమణి జయలక్ష్మి గారు కన్నుమూత.

Shri #Jayalakshmi (Wife of Legendary Director #KVishwanath garu) passed away.

May her soul rest in peace 🙏 pic.twitter.com/nW5JubVEZy

— 𝐕𝐚𝐦𝐬𝐢𝐒𝐡𝐞𝐤𝐚𝐫 (@UrsVamsiShekar) February 26, 2023

25 દિવસ પહેલા થયું હતું કે વિશ્વનાથનું નિધન 
જણાવી દઈએ કે જયલક્ષ્મીના મૃત્યુના લગભગ 25 દિવસ પહેલા તેમના પતિ અને દિગ્ગજ ફિલ્મ નિર્માતા કે વિશ્વનાથનું પણ નિધન થયું હતું. પતિના અવસાનના થોડા જ દિવસો બાદ પત્ની આ દુનિયા છોડીને ચાલ્યા જવાથી પરિવાર ઘણો દુઃખી છે. 

92 વર્ષની ઉંમરે કે વિશ્વનાથએ દુનિયાને કહ્યું હતું અલવિદા 
થોડા દિવસ પહેલા જ સાઉથ ફિલ્મ ઇન્ડસ્ટ્રીમાં તેના શાનદાર કામ માટે જાણીતા એવા એકટર-ડિરેક્ટર વિશ્વનાથનું નિધન થયું હતું. કે વિશ્વનાથે 92 વર્ષની ઉંમરમાં એમને હૈદરાબાદ સ્થિત એક હોસ્પિટલમાં છેલ્લો શ્વાસ લીધો હતો. જણાવી દઈએ કે છેલ્લા થોડા દિવસથી તેઓ ત્યાં એડમિટ હતા અને હાલ મળતી રિપોર્ટ અનુસાર વિશ્વનાથ છેલ્લા થોડા સમયથી ઉંમરને લગતી બીમારીઓથી પીડિત હતા. 

કે વિશ્વનાથના નિધન પર આ સેલેબ્સએ અર્પી હતી શ્રધ્ધાંજલિ 
કે વિશ્વનાથના નિધનને લઈને સાઉથ ઇન્ડસ્ટ્રીમાં શોકનું મોજું ફરી વળ્યું હતું અને  સેલેબ્સે એમને શ્રદ્ધાંજલિ અર્પણ કરી હતી. 'RRR' સ્ટાર જુનિયર NTR, અભિનેતા મામૂટી, સંગીતકાર AR રહેમાન, દિગ્દર્શક ગોપીચંદ માલિનેની અને અન્ય ઘણા લોકો સહિત સાઉથ ફિલ્મ ઇન્ડસ્ટ્રીના પ્રખ્યાત હસ્તીઓએ તેમના સત્તાવાર સોશિયલ મીડિયા હેન્ડલ્સ પર ભાવનાત્મક પોસ્ટ્સ પોસ્ટ કરીને વિશ્વનાથને શ્રદ્ધાંજલિ આપી હતી.