JNU / સ્ટૂડન્ટ્સના વિરોધ પ્રદર્શન આગળ ઝુકી સરકાર, ફી વધારામાં કર્યો ઘટાડો

• JNUના વિદ્યાર્થીઓના વિરોધ પ્રદર્શન આગળ ઝુકી સરકાર
• મોદી સરકારે અંતે વધારવામાં આવેલી હોસ્ટેલ ફી રિવાઇઝ કરી
• એચઆરડી મિનિસ્ટ્રી ટ્વિટ કરીને આપી જાણકારી

જેએનયૂ તંત્રે હોસ્ટેલના રૂમના ભાડામાં ભારે વધારો કર્યો હતો. પહેલા જ્યાં સિંગલ સીટર હોસ્ટેલના રુમનું ભાડુ 20 રૂપિયા હતું. તેને જેએનયૂ તંત્રે વધારીને 600 રૂપિયા કર્યું હતું. જ્યારે ડબલ સીટર રૂમનું ભાડુ 10 રૂપિયાથી વધારીને 300 રૂપિયા કરવામાં આવ્યું હતું. જે પહેલાની અપેક્ષાએ ઘણુ વધારે હતું. આ ઉપરાંત જેએનયૂ તંત્રે અન્ય કેટલાક વધારો કર્યો હતો. 

હોસ્ટેલમાં પહેલા વિદ્યાર્થીઓને ક્યારે સર્વિસ ચાર્જ અથવા યૂટિલિટી ચાર્જિસ જેમકે, પાણી અને વીજળીના પૈસા નહોતા આપવા પડતા હતા. જેએનયૂ તંત્ર દ્વારા તેમા વધારો કરવામાં આવ્યો હતો. યૂટિલિટી ચાર્જિસ, એટલે કે ઉપયોગ અનુસાર બિલની જોગવાઇ કરવામાં આવી હતી. જે હેઠળ સ્ટૂડન્ટ્સે ઉપયોગના હિસાબે તેનો ખર્ચ કરવો પડતો હતો. જ્યારે સર્વિસ ચાર્જિસ તરીકે આઇએચએ કમિટીએ 1700 રૂપિયા મહીને ફી ઉમેરી હતી. પ્રતિ મહીને આટલી રકમ દરેક વિદ્યાર્થીને આપવી પડતી હતી. આ ઉપરાંત તંત્રે વન ટાઇમ મેસ સિક્યોરિટી જે પહેલા 5500 રૂપિયા હતી. તેમાં પણ 200 ટકાનો વધારો કરીને 12000 રૂપિયા કરી દીધી હતી. 

 

#JNU Executive Committee announces major roll-back in the hostel fee and other stipulations. Also proposes a scheme for economic assistance to the EWS students. Time to get back to classes. @HRDMinistry

— R. Subrahmanyam (@subrahyd) November 13, 2019

ત્યારે તેને લઇને વિદ્યાર્થીઓ લાંબા સમયથી પ્રદર્શન કરી રહ્યા હતા. જેએનયૂ વિદ્યાર્થી સંઘે બુધવારે યોજાવા જઇ રહેલી એક્ઝિક્યૂટીવ કાઉન્સિલની બેઠક પહેલા બેઠક સ્થળ બહાર ધરણા પ્રદર્શન કર્યું હતું. જ્યારે એબીવીપીએ પણ બુધવારે યૂજીસી કાર્યાલય બહાર પ્રદર્શન કર્યું હતું. ફી વૃદ્ધિના આ આખા મામલામાં દેશભરના સંસ્થાઓના વિદ્યાર્થી સંગઠન એકજુટ બની જેએનયૂના સપોર્ટમાં આવી ગયા હતા. જેએનયૂ મામલાને લઇને સોશિયલ મીડિયામાં પણ લોકોએ ફી વૃદ્ધિને ખોટી ઠેરાવી હતી. 

આ છે રિવાઇઝ્ડ ફી સ્ટ્રક્ચર઼

JNU EC મીટીંગ આમ થયો ફીમાં આંશિક રોલબેક

• રુમ ભાડુ (સિંગલ) - 200 રૂપિયા કરવામાં આવ્યું, જે પહેલા 20 રૂપિયા હતો તેને વધારીને 600 રૂપિયા કરવાનો પ્રસ્તાવ હતો.
• રૂમ ભાડુ (ડબલ) - 100 રૂપિયા કરવામાં આવ્યો જે પહેલા 10 રૂપિયા હતો અને તેને વધારીને 300 રૂપિયા કરવાનો પ્રસ્તાવ હતો.
• વન ટાઇમ મેસ સિક્યોરિટી - 5,500 રૂપિયા કરવામાં આવી જે પહેલા 5500 રૂપિયા જ હતી, તેને વધારીને 12,000 રૂપિયા કરવાનો પ્રસ્તાવ હતો. 
• સર્વિસ ચાર્જિસ, એઝ પર એક્યુઅલ રહેશે
• યૂટિલિટી ચાર્જિસ : 1700 રૂપિયા થશે, જે પહેલા નહોતા લેવામાં આવતા હતા અને 1700 રૂપિયા પ્રસ્તાવિત હતા. 

જેએનયૂની આ બેઠકમાં નક્કી કરવામાં આવ્યું છે કે, ઇડબલ્યૂએસ એટલે કે નિમ્ન આવક વર્ગ પરિવારોથી આવતા વિદ્યાર્થીઓને અલગથી મદદ મળશે. મહત્વનું છે કે, રિવાઇઝ્ડ ફી સ્ટ્રક્ચરને લઇને જેએનયૂ વિદ્યાર્થી સંઘે કહ્યું છે કે આ વિદ્યાર્થીઓ સાથે વિશ્વાસઘાત છે.