ખુલાસો / ઈરાનના સૈન્ય જનરલ કાસિલ સુલેમાનીને ઠાર કર્યા બાદ ટ્રમ્પે ખોલ્યું ભારત કનેક્શન!

• અમેરિકા-ઈરાન વચ્ચે તણાવ વધ્યો
• સુલેમાનીનું ભારત કનેક્શન!
• ટ્રમ્પે કર્યો મોટો ખુલાસો 

આ દરમિયાન ટ્રમ્પે કાસિમ સુલેમાનીને લઈને ભારત કનેક્શન પણ ખોલ્યું છે. અમેરિકાના રાષ્ટ્રપતિ ડૉનાલ્ડ ટ્રમ્પે દાવો કર્યો કે, સુલેમાની ભારત વિરૂદ્ધ આતંકવાદી હુમલાના ષડયંત્રમાં શામેલ હતો. સાથે જ ટ્રમ્પે એમ પણ કહ્યું છે કે, સુલેમાનીનો ખાતમો યુદ્ધ શરૂ કરવા માટે નહીં પણ યુદ્ધ ખતમ કરવા માટે કરવામાં આવ્યો છે.

ડોનાલ્ડ ટ્રમ્પનું નિવેદન 

અમેરિકા દ્વારા ઈરાનના ટોચના સેના પ્રમુખને રોકેટ હુમલો કરીને મોતને ઘાટ ઉતારવાને લઈને દુનિયાભરમાં ભારે ચર્ચા જાગી છે. આ મામલે રાષ્ટ્રપતિ ડોનાલ્ડ ટ્રમ્પે ઈરાનની કુર્દસ સેનાના પ્રમુખ જનરલ કાસિમ સુલેમાનીને મારવાના નિર્ણયનો પક્ષ લીધો છે. 

સુલેમાનીના આતંકી કાવતરા દિલ્હીથી લઈને લંડન સુધી હતા

ટ્રમ્પે કહ્યું છે કે, કાસિમ સુલેમાનીના આતંકી કાવતરા દિલ્હીથી લઈને લંડન સુધી ફેલાયેલા હતો. દિલ્હીમાં ફેબ્રુઆરી 2012માં ઈઝરાયલ ડિપ્લોમેટની પત્ની ટાલ યોહોશુઆ કોરેન જ્યારે તેમના બાળકોને સ્કૂલ મુકીને પરત આવી રહ્યા હતા ત્યારે કોઈએ તેમની કારમાં એક બોમ્બ ફિટ કરી દીધો હતો.આ આરોપ પણ સુલેમાની પર નાંખવામાં આવ્યો છે. 

આતંકી હુમલામાં ઈરાક કમાન્ડર કાસિમ સાલેમાનીનું મોત 

ઈરાકના બગદાદ એરપોર્ટ પાસે રોકેટ હુમલો થયો છે. જેમાં 8 લોકોના મોત નિપજ્યાં છે. ઈરાકના સુરક્ષા અધિકારીએ આ અંગેની જાણકારી આપી છે. ઈરાક એરપોર્ટ પાસે 3 રોકેટ ફાયર કરવામાં આવ્યા હતા. જેના કારણે આસપાસના વાહનોમાં આગ લાગી ગઈ હતી જેમાં 8 લોકોના મોત નિપજ્યા છે. આ હુમલામાં ઈરાન કમાન્ડર કાસિમ સુલેમાનીનું મોત નિપજ્યું છે.

આ આતંકી હુમલામાં ઈરાક કમાન્ડર કાસિમ સાલેમાનીનું મોત નિપજ્યું છે. બગદાદમાં અમેરિકી દૂતાવાસ પર ઈરાન સમર્થિત મિલિશિયાએ નવા વર્ષની પૂર્વ સંધ્યાએ હુમલા બાદ અમેરિકા સાથે તણાવ વચ્ચે આ હુમલો થયો છે. નવા વર્ષમાં ડોનાલ્ડ ટ્રમ્પે ઈરાનને સખત અંદાજમાં ધમકી આપી હતી.