પાસ થવા પૈસા / ચેકિંગ વખતે પરીક્ષાના પેપરમાંથી નીકળી 200-500ની નોટો જ નોટો, ટીચરે કર્યું દિલ જીતી લેતું કામ

Pic sent by a teacher. These notes were kept inside answer sheets of a board exam by students with request to give them passing marks.

Tells a lot about our students, teachers and the entire educational system. pic.twitter.com/eV76KMAI4a

— Arun Bothra 🇮🇳 (@arunbothra) August 21, 2023

• પરીક્ષામાં પાસ થવા વિદ્યાર્થીઓએ ટીચરને આપી લાંચ
• પરીક્ષા પેપરમાં ચીપકાવી ચલણી નોટો
• રુપિયાના મોહમાં ન આવ્યાં ટીચર, સોશિયલ મીડિયામાં જાહેર કરી વાત 

ઠોઠ વિદ્યાર્થીઓ મહેનત તો નથી કરતા અને પરીક્ષામાં પાસ થવા માટે ટીચરને લાંચ આપતાં હોય છે તેવી એક ઘટના બની છે. સોશિયલ મીડિયામાં એક ટીચરે શેર કરેલી તસવીરો વાયરલ થઈ છે. ટીચરનું કહેવું છે કે તેમને પરીક્ષામાં પાસ કરવા માટે વિદ્યાર્થીઓએ લાંચ આપી છે જેમાં વિદ્યાર્થીઓએ પરીક્ષાના પેપરમાં ચલણી નોટો મૂકી હતી. 

અરૂણ બોથરાએ નોટોની તસવીરો શેર કરી 

આઇપીએસ અધિકારી અરૂણ બોથરાએ હાલમાં જ એક્સ પર એક ફોટો શેર કર્યો છે, જે સોશિયલ મીડિયાના અલગ-અલગ પ્લેટફોર્મ પર વાયરલ થયો છે. તસવીરમાં 100, 200 અને 500 રૂપિયાની નોટ જોવા મળી રહી છે જે બોર્ડની પરીક્ષા આપનારા વિદ્યાર્થીઓની ઉત્તરવહીઓની અંદર મળી હતી. પરીક્ષામાં પાસ કરવા માટે વિદ્યાર્થીઓએ આ નોટો ટીચરને લાંચ તરીકે આપી હતી. 

ટીચરે આઈપીએસને મોકલી આપી નોટોની તસવીરો 
આ નોટો એક શિક્ષકને મળી હતી જે બોર્ડની પરીક્ષાના પેપર તપાસી રહ્યા હતા. તેમણે અરુણ બોથરાને આ તસવીર શૅર કરીને આવી શૈક્ષણિક વ્યવસ્થા અંગે ચિંતા વ્યક્ત કરી હતી. બોથરાએ આ ફોટો એક્સ પર પોસ્ટ કરીને લખ્યું, 'એક ટીચરે આ તસવીર મોકલી છે. વિદ્યાર્થીઓ દ્વારા બોર્ડની પરીક્ષામાં આ નોટો ઉત્તરવહીની અંદર રાખવામાં આવી હતી અને તેમને પાસિંગ માર્ક્સ આપવામાં આવે તેવી અપીલ કરવામાં આવી હતી. તે આપણા વિદ્યાર્થીઓ, શિક્ષકો અને સમગ્ર શિક્ષણ પ્રણાલી વિશે ઘણું બધું કહે છે. '

It speaks loudly about the entire culture, institutions and accessible democratic setups of the country. https://t.co/tSUpFrDRuF

— ambuj singh (@neatshots) August 21, 2023

સોશિયલ મીડિયામાં લોકોએ શું કહ્યું 
ઉત્તરવહીઓમાં ચલણી નોટોની તસવીરો વાયરલ થયા બાદ કેટલાક શિક્ષકોએ ટિપ્પણી કરી હતી કે તેઓ પણ આવા અનુભવમાંથી પસાર થયા છે. આ અંગે લોકો નિરાશા વ્યક્ત કરી રહ્યા છે. એક યુઝરે લખ્યું, 'આ કેટલું હાસ્યાસ્પદ છે. આ બાબતે ગેરમાર્ગે ન દોરવા બદલ શિક્ષકને અભિનંદન. આપણી પાસે આવી સારી આત્માઓ પણ છે જેમાં વિદ્યાર્થીઓના પ્રલોભનમાં આવતા નથી. અન્ય એક વ્યક્તિએ ટિપ્પણી કરી, "પેપર તપાસવાના મારા દિવસોમાં મારી સાથે આવું ઓછામાં ઓછું ત્રણ વખત બન્યું છે! આવું લગભગ 20 વર્ષથી થઈ રહ્યું છે. પરીક્ષાના પ્રશ્નોના જવાબ આપવાને બદલે પૈસા માંગવાનું દુ:ખદ છે. એ કહેવાની જરૂર નથી કે આવા વિદ્યાર્થીઓ સામાન્ય રીતે નિષ્ફળ જતા હોય છે.