BIG NEWS / સૈન્ય અધિકારીઓ જ જાસૂસીમાં પકડાતાં ખળભળાટ: WhatsApp ગ્રુપથી ચાલતું હતું નેટવર્ક, કડક કાર્યવાહીના આદેશ અપાયા

• સેનામાં સાઈબર સુરક્ષા ઉલ્લંઘનનો પર્દાફાશ
• જાસૂસ સાથે જોડાયેલ હોવાનો આરોપ
• જે પણ દોષિત ઠરશે તેના પર થશે મોટી કાર્યવાહી

ગુપ્તચર એજન્સીઓએ સાઈબર સુરક્ષા ઉલ્લંઘનના એક મોટા કેસનો પર્દાફાશ કર્યો છે. જેમાં સૈન્ય અધિકારીઓ પર શંકા છે કે, તે પાડોશી દેશ માટે જાસૂસ સાથે જોડાયેલ ગતિવિધિઓને પાર પાડી રહ્યા છે. એક રિપોર્ટમાં જણાવ્યા અનુસાર આ કેસમાં રક્ષા સાથે જોડાયેલ સૂત્રનું કહેવુ છે કે, સેના અને ગુપ્તચર એજન્સીઓએ અમુક સૈન્ય અધિકારીઓ દ્વારા સાઈબર સુરક્ષા ઉલ્લંઘનનો ખુલાસો કર્યો છે. જેના પાડોશી દેશ માટે જાસૂસ સંબંધિત પ્રવૃતિઓ સાથે જોડાયેલ હોવાની સંભાવના છે. સૂત્રોએ જણાવ્યું છે કે, આ ઉલ્લંઘન અમુક વોટ્સએપ ગ્રુપ દ્વારા કરવામાં આવી રહ્યું હતું.

Cyber security breach by military officials on WhatsApp unearthed, high-level probe underway

Read @ANI Story | https://t.co/jo9uFRGgv2#Cybersecuritybreach pic.twitter.com/qHFbmCqtMe

— ANI Digital (@ani_digital) April 19, 2022

જે પણ દોષિત ઠરશે તેના વિરુદ્ધ કડક કાર્યવાહી થશે

આરોપોનો સામનો કરી રહેલા અધિકારીઓ વિરુદ્ધ કડક કાર્યવાહી કરવાના સવાલ પર સૂત્રએ જણાવ્યું છે કે, તાત્કાલિક તપાસના આદેશ સોંપવામા આવ્યા છે, સૈન્ય અધિકારીઓ જો હાલના આદેશોનું ઉલ્લંઘન કરશે, જેમાં ખાસ કરીને કાઉંટર ઈંટેલીજેંસ સાથે જોડાયેલ કેસમાં સામેલ હોય, તો તેને કડકાઈ સાથે વર્તવામાં આવશે. કારણ કે સત્તાવાર ગોપનિયતા અધિનિયમ અંતર્ગત આવે છે. સૂત્રોનું કહેવુ છે કે, ચાલી રહેલી તપાસમાં જે પણ અધિકારી દોષિત ઠરશે, તેમના વિરુદ્ધ કડકમાં કડક કાર્યવાહી થશે.

વધું જાણકારી આપવાની ના પાડી દીધી

જ્યારે આ મામલે વધારે જાણકારી માટે પૂછવામાં આવ્યું તો, સૂત્રએ કહ્યું કે, સંવેદનશીલતા અને તપાસની પ્રકૃતિને જોતા અમે ઉલ્લંઘનના કેસમાં અટકળોથી બચવા અથવા તેમાં સામેલ કર્મચારીઓ સુધી પહોંચને રોકવા માટે વધારે જાણકારી આપી શકતા નથી. કારણ કે, તેનાથી તપાસ પર પ્રભાવ પડી શકે છે. આપને જણાવી દઈએ કે, હાલના સમયમાં સંદિગ્ધ પાકિસ્તાની અને ચીની ગુપ્તચર કર્મી સેના અને તેની ગતિવિધિઓ પર નજર રાખવા અને તેની સાથે જોડાયેલ સંવેદનશીલ જાણકારી મેળવવાના ઉદ્દેશ્યથી સોશિયલ મીડિયા દ્વારા સૈન્ય કર્મચારીઓ સાથે જોડાવાની કોશિશ કરે છે અને તેમને ટાર્ગેટ કરે છે.