ગજબની સિદ્ધી / VIDEO : ભારતીય મહિલાએ ચોટલાથી ખેંચી દેખાડી 12,000 Kgની ડબલ ડેકર બસ, વીડિયો જોઈને શ્વાસ થંભી જશે

• વાળની ડબલ ડેકર બસ ખેંચતી મહિલાનો જુનો વીડિયો વાયરલ
• ભારતની આશા રાનીએ વાળથી 12,216 કિલોની બસ ખેંચી દેખાડી 
• વર્લ્ડ રેકોર્ડ કર્યો હતો, ગિનિઝ વર્લ્ડ રેકોર્ડ મળતા રડી પડી હતી 

વાળથી ડબલ ડેકર બસ ખેંચવી ફિલ્મી કહાની જેવી લાગે પણ એક ભારતીય મહિલાએ આ પરાક્રમ દેખાડીને બધાને રીતસરના ચોંકાવી દીધા છે.  ભારતની આશા રાનીના નામે તેના વાળની ચોટલી દ્વારા  12 હજાર કિલોની ડબલ ડેકર બસ ખેંચવાનો ગિનીસ વર્લ્ડ રેકોર્ડ છે. તેનો વીડિયો સોશિયલ મીડિયા પર વાયરલ થઈ રહ્યો છે, જેને જોઈને લોકો ચોંકી ગયા છે. આ વિડિયો 4 જાન્યુઆરીએ 'ગિનીસ વર્લ્ડ રેકોર્ડ'ના અધિકૃત ઇન્સ્ટાગ્રામ હેન્ડલ દ્વારા શેર કરવામાં આવ્યો હતો. વીડિયોના કેપ્શનમાં લખાયું છે કે આશા રાની દ્વારા વાળ દ્વારા સૌથી ભારે (12,216 કિલો)નું વાહન ખેંચવામાં આવ્યું. 

 

 

 

 

View this post on Instagram

 

 

 

 

 

 

 

 

 

 

 

A post shared by Guinness World Records (@guinnessworldrecords)

શું છે વીડિયો ક્લિપમાં 
આ ક્લિપમાં આશા વર્લ્ડ રેકોર્ડ બનાવતી જોવા મળી રહી છે. વીડિયોની શરૂઆતમાં 12,000 કિલોની ડબલ ડેકર બસ આશાના ચોટલા સાથે બાંધેલી જોઈ શકાય છે. ત્યાર બાદ આશા ખૂબ સાવધાનીપૂર્વક બસને ખેંચતી જોઈ શકાય છે અને રેકોર્ડ કર્યા બાદ ભાવુક થઈને રડી પડી હતી. ગિનિસ વર્લ્ડ રેકોર્ડ દ્વારા શેર કરવામાં આવેલા બ્લોગ અનુસાર, આશાએ વર્ષ 2016માં આ સિદ્ધિ હાંસલ કરી હતી. ઇટાલિયન શહેર મિલાનમાં લો શો ડેઇ રેકોર્ડના સેટ પર ડબલ ડેકર લંડન બસ ખેંચવા બદલ તેણીને 'આયર્ન ક્વીન' તરીકે બિરદાવવામાં આવી હતી. ઉલ્લેખનીય છે કે આશાએ પોતાની અનોખી વેઈટલિફ્ટિંગ કુશળતા માટે અત્યાર સુધીમાં 7 ગિનિસ વર્લ્ડ રેકોર્ડ બનાવ્યા છે.

લોકો પ્રશંસા કરી રહ્યા છે

આ વીડિયો જુનો છે પરંતુ સોશિયલ મીડિયા પર વાયરલ થયો છે. તેને 3 લાખ 67 હજારથી વધુ વ્યૂઝ અને સેંકડો કમેન્ટ્સ મળી છે. આશાની આ અનોખી ક્ષમતા જોઈને લોકો આશ્ચર્યચકિત થઈ જાય છે. અને અલબત્ત, વર્લ્ડ રેકોર્ડ બનાવવા બદલ તે આશાની પ્રશંસા કરી રહ્યો છે.