મોટા સમાચાર / કોરોનાના વધતા કેસ વચ્ચે ટ્રેનો ફરીવાર થશે બંધ? રેલવેએ આપ્યું મોટું નિવેદન

• ભારતમાં કોરોના સંકટ ઘેરાયું 
• રેલેવે ફરીવાર થઇ જશે બંધ? 
• રેલવેએ વાયરલ થયેલા દાવા ફગાવ્યા 

ઉલ્લેખનીય છે કે, કોરોનાના વધી રહેલા કેસને જોતા કેટલાક શહેરોમાં પૂર્ણ લૉકડાઉન કે પછી વિકેન્ડ લોકડાઉનની જાહેરાત કરાઇ ચૂકી છે. તો વધી રહેલા કેસને પગલે મુંબઇ સેન્ટ્રલથી અમદાવાદ વચ્ચે ચાલી રહેલી તેજસ એક્સપ્રેસનું સંચાલન એક મહિનામાં માટે બંધ કરવામાં આવ્યું છે. આવી સ્થિતિમાં સવાલ ઉભા થાય છે કે, શું તમામ ટ્રેનો ફરી વખત બંધ થઇ જશે? આ અંગે રેલેવે મોટું નિવેદન આપ્યું હતું. 

જાણો શું કહ્યું રેલવેએ?

ભારતીય રેલવેએ આ સંદર્ભમાં જણાવ્યું હતું કે, ટ્રેનો રોકવાનું કે પછી પાબંધી લગાવવાનું ભારતીય રેલવેનું કોઇ જ આયોજન નથી. 

જરૂર પ્રમાણે રેલવેની સંખ્યા વધારવાની અધિકારીએ કરી વાત 

રેલવે બોર્ડના ચેરમેન સુનીત શર્માએ જણાવ્યું હતું કે,જે લોકો મુસાફરી કરવા ઇચ્છે છે તેમના માટે રેલવેની અછત નથી. હું તમામને વિશ્વાસ અપાવું છું કે, માગ અનુસાર રેલવેનું સંચલન કરવામાં આવશે. આ મહિનાઓમાં રેલવે સ્ટેશનો પર પ્રવાસીઓની સંખ્યા સામાન્ય જોવા મળી છે. અમે જરૂરીયાત પ્રમાણે ટ્રેનની સંખ્યા વધારીશું.  

ટ્રેનમાં મુસાફરી કરવા માટે નેગેટિવ રિપોર્ટની જરૂર નથી 

શર્માએ મીડિયા રિપોર્ટને ફગાવ્યા છે જેમાં દાવો કરવામાં આવી રહ્યો હતો કે, ટ્રેનથી યાત્રા કરનારને કોવિડ નેગેટિવ રિપોર્ટ ફરજીયાત છે. શર્માએ વધુ કહ્યું કે, મહારાષ્ટ્રમાં જે શ્રમિકો પરત જવાની વાત કરી છે તે પલાયન નહીં પરંતુ રેલવેના સામાન્ય પ્રવાસીઓ છે. નાઇટ કર્ફ્યૂથી બચવા માટે તેઓ ઝડપથી સ્ટેશન પહોંચી રહ્યા છે. જેના કારણે ભીડ જોવા મળી હતી.

ભારતમાં કોરોના વાયરસ કેસ અપડેટ (9મી એપ્રિલ)

ભારતમાં એક જ દિવસમાં કોરોના વાયરસના 1,31,968 કેસ આવતા હડકંપ મચી ગયો છે. પહેલીવાર આટલા બધા કેસ સામે આવ્યા છે જ્યારે 24 જ કલાકમાં 780 લોકોના મોત કોરોના વાયરસના કારણે થયા છે. ભારતમાં એક્ટિવ કેસની સંખ્યા વધીને 9,79,608 થઈ ગઈ છે.