જામનગર / ધ્રોલના ખાખરા ગામે મોટા માથાઓએ ગૌચર જમીન વાળી લીધી, જુઓ ગ્રામજનોએ કોના વિરુદ્ધ લગાવ્યા આરોપ

Kishor

Last Updated: 11:13 PM, 4 January 2023

FOLLOW ON

શેર કરો

ધ્રોલ તાલુકાના ખાખરા ગામે ગૌચરની જમીનમાં દબાણની રાવ સાથે ગ્રામજનોએ કલેકટરને આવેદન પાઠવી તાત્કાલિક યોગ્ય કરવા માંગ ઉઠાવી છે.

ધ્રોલ તાલુકાના ખાખરા ગામે ગૌચરની જમીનમાં દબાણ
ગ્રામજનોએ કલેકટરને આવેદન પાઠવી તાત્કાલિક યોગ્ય કરવા ઉઠાવી માંગ
મેઘપર ગામના સરપંચ અને તેના ભાઈ વિરુદ્ધ કરાયા આરોપ

જામનગર જિલ્લાના ધ્રોલ તાલુકાના ખાખરા ગામે ગૌચરની જમીનમાં દબાણ કરાયું હોવાની ચોંકાવનારી ફરિયાદ ઉઠી છે. આ મામલે ગ્રામજનોએ એક સંપ થઈ આવેદન પાઠવી તાત્કાલિક યોગ્ય કાર્યવાહી કરી ગૌચરની જગ્યા ખુલ્લી કરાવવા માંગ કરી છે. ગ્રામજનોએ રજુઆતમાં આક્ષેપ સાથે જણાવ્યું કે ખાખરા ગામે ગૌચરની જમીન પર બાજુમાં આવેલ મેઘપર ગામના સરપંચ અને તેના ભાઈ દ્વારા દબાણ કરવામાં આવ્યું છે આથી તેમની વિરુદ્ધ કાયદેશરની કાર્યવાહી કરવામા આવે તે જરૂરું છે.

જમીન ફરતે વીજ શોક મુક્યા હોવાની રાવ

ખાખરા ગામે ગૌચરની જમીન હડપ કરી જવા મેઘપર ગામના સરપંચ અને તેના ભાઈએ દબાણ કર્યું હોવાના આરોપ લાગી રહ્યા છે. ગ્રામજનોએ જણાવ્યું હતું કે, ગૌચરની જમીન પર કબજો કરી તેના ફરતે ખુલો વીજ શોક મુકવામાં આવે છે. માલધારીઓના પશુઓ તેમાં જાય તો તે વીજના કારણે મોતની ભીતિ સેવાઇ રહી છે.

ગ્રામજનોએ લગાવ્યા ચોંકાવનારા આરોપ

વધુમાં ગ્રામજનોએ જણાવ્યું કે ગૌચરની જમીનની આજુ બાજુમાં આવેલ નદીકાંઠા વિસ્તારમાં પશુપાલકો ઢોર ચારવા માટે જાય તો આ શખ્સો માથાકૂટ કરીને તગેડી મુકે છે અને જો પશુઓ તે બાજુ જાય તો ખોટા પોલીસ કેસ કરીને અમને હેરાન કરે છે તેવી રાવ કરી છે. માલધારીઓએ કહ્યું કે અમારો મુખ્ય વ્યવસાય માલ ઢોર ચરાવવાનો આવા તત્વોએ સિમમાં દબાણ કર્યું હોવાથી અમારે ઢોર ચરવવા જવુ મુશ્કેલ બન્યુ છે અને પરિવારની રોજીરોટી સામે પણ સવાલો ઉભા થયા છે તેવુ માલધારીઓ અંતમાં જણાવ્યું હતું.

સંકળાયેલા મુદ્દાઓ

jamnagar કલેકટર ગૌચરની જમીન દબાણ ધ્રોલ jamnagar