રાજીનામું / અખિલેશ યાદવને ઝટકો, ઈમરાન મસૂદ સમાજવાદી પાર્ટી છોડીને માયાવતીની બસપામાં જોડાયા

• ઈમરાન મસૂદ સમાજવાદી પાર્ટી છોડી
• માયાવતીની બસપા પાર્ટી જોઈન કરી મસૂદે
• અગાઉ મસૂદ કોંગ્રેસ છોડી સપામાં જોડાયા હતા

સહારનપુરના સમાજવાદી પાર્ટીના નેતા ઈમરાન મસૂદ અખિલેશ યાદવનો સાથ છોડી દીધો છે અને તેઓ માયાવતીની પાર્ટી બસપામાં સામેલ થઈ ગયા છે. પાપ્ત માહિતી અનુસાર, ઈમરાન મસૂદ બહુજન સમાજ પાર્ટીના વડા માયાવતીને મળવા ગયા હતા ત્યાર બાદ તેમણે બહુજન સમાજ પાર્ટીમાં જોડાવાની સત્તાવાર રીતે જાહેરાત પણ કરી દીધી છે. બસપા કાર્યાલય મસૂદે જણાવ્યું હતું કે, સમાજવાદી પાર્ટીમાં મને સન્માન મળ્યું કે નહીં, તે બાબતે તમે બધા જ જાણો છો. 

"સપાને બહુ વોટ આપ્યા પણ સરકાર ન બની"
2022ના ઉત્તર પ્રેદેશ વિધાનસભા ચૂંટણીની શરૂઆત પહેલા જ ઈમરાન મસૂદ કોંગ્રેસ છોડીને સપામાં જોડાયા હતા. પરંતુ ફરી વાર તેઓ પક્ષપલટો કર્યો છે અને હવે તેઓ બસપામાં જોડાઈ રહ્યા છે. ઈમરાન મસૂદનું કહ્યું કે, મુસ્લિમોએ સપાને ખૂબ વોટ આપ્યા છે, છતાં સરકાર બની શકી નહીં. તેમણે વધુમાં ઉમેર્યું આવી સંજોગોમાં ઉત્તર પ્રદેશમાં ભારતીય જનતા પાર્ટીને ટક્કર આપી શકે તો તેવી કોઈ પાર્ટી હોય તો તે છે બહુજન સમાજ પાર્ટી.

સહારનપુરમાં ઈમરાન મસૂદની પક્કડ
ઉત્તર પ્રદેશમાં ચર્ચા થઈ રહી છે કે, ઈમરાન મસૂદ પરિવારના કોઈ સભ્યને BSPની ટિકિટ પર મેયરની ચૂંટણી લડવાશે  એવી પણ માહિતી છે કે, કે માયાવતી પશ્ચિમ યુપી માટે જે મોટા કદના મુસ્લિમ ચહેરાની ખોળમાં હતા તે હવે કદાચ પૂર્ણ થઈ ગઈ હશે. ઈમરાન મસૂદને લઈ એવું પણ માનવામાં આવી રહ્યું છે કે, તેમની પક્કડ માત્ર મુસ્લિમ સમુદાય પર જ નથી પરંતુ અન્ય વર્ગના લોકોની પણ છે. ઇમરાન મસૂદ બસપામાં પ્રવેશવાથી અવું માનવામાં આવી રહ્યું છે માયવતી એ સહારનપુરમાં સારી પક્કડ બનાવી છે. ઈમરાન મસૂદને યુપીની રાજનીતિનો મોટો મુસ્લિમ ચહેરો માનવામાં આવે છે જો કે, પશ્ચિમ ઉત્તર પ્રદેશની સીટો પર તેમની સારી પકડ છે તેવી પ્રાપ્ત માહિતી છે.