WC 2019 / તો સેમીફાઇનલમાં IND vs PAKનો ફરી થઈ શકે છે સામનો, આ છે સમીકરણ

કેવી રીતે થઇ શકે ભારત-પાક.માં સેમીફાઇનલ

આ વર્લ્ડ કપમાં ઓસ્ટ્રેલિયાએ નોક આઉટ માટે પહેલા જ ક્વોલિફાઇ કરી લીધું છે. બીજી નંબરે ઇન્ડિયાને સેમીફાઇનલમાં પહોંચવા માટે એક જીતની જરુર છે. તેનો સામનો શ્રીલંકા અને બાંગ્લાદેશ સાથે છે. જ્યારે પાકિસ્તાનને 4 નંબરે સ્થાન ત્યારે મળશે જ્યારે ઇંગ્લેન્ડની ટીમ ન્યુઝલેન્ડને હરાવી દેશે. એવું થાય છે તો ઇંગ્લેન્ડ 12 પોઇન્ટ સાથે ત્રીજા નંબરે પહોંચી જશે. 

જો પાકિસ્તાનની ટીમ બાંગ્લાદેશને હરાવે છે તો ન્યુઝીલેન્ડ અને પાકિસ્તાનના પોઇન્ટ્સ (11-11) બરાબર થઇ જશે. પરંતુ અહીંથી પાકિસ્તાનને સેમીફાઇનલમાં પહોંચવા માટે માત્ર એક જીત નહીં, પરંતુ મોટા અંતરેથી જીત હાંસલ કરવી પડશે. ત્યારે જ માઇનસમાં ચાલી રહેલ રન રેટ પ્લસમાં પહોંચશે અને ન્યુઝીલેન્ડના રન રેટને પાર કરી શકશે. પાકિસ્તાન એમ કરવામાં સફળ થાય છે તો, ન્યુઝીલેન્ડ 11 પોઇન્ટ હોવા છતા ટોપ 4માંથી બહાર થઇ જશે અને પાકિસ્તાનનું સેમીફાઇનલ રમવાનું સપનું પુરુ થશે.

સેમીફાઇનલમાં પહેલા સ્થાને રહેનાર ટીમનો સામનો ચોથા નંબરે રહેનારી ટીમ સાથે થશે, જ્યારે બીજા સ્થાને રહેનારી ટીમનો સામનો ત્રીજા નંબરે રહેનાર ટીમ સાથે થશે. જો 38 મેચ બાદ ટોચ પર રહેનાર ઓસ્ટ્રેલિયા જો પોતાનો અંતિમ મેચ દ.આફ્રીકા સામે હારી જાય છે તો ટીમ ઇન્ડિયા પોતાની બાકી બચેલી બંને મેચ જીતી જાય છે તો ટોપ પર આવી જશે. સાથે જ પાકિસ્તાન બાંગ્લાદેશને હરાવી સેમીફાઇનલમાં પહોંચે છે તો તેનો સામનો પહેલા સ્થાને પહોંચનારી ટીમ સાથે થઇ શકે છે. 

ઇંગ્લેન્ટ-ન્યુઝીલેન્ડમાં ફસાઇ શકે પેચ

આ વર્લ્ડ કપમાં ન્યુઝીલેન્ડની સફર સારી રહી છે. ન્યુઝીલેન્ડે સેમીફાઇનલમાં પહોંચવા માટે ઇંગ્લેન્ડને હરાવી પડશે. પોઇન્ટ ટેબલમાં ન્યુઝીલેન્ડના 11 પોઇન્ટ્સ છે. જો તે મેચ હારી જાય છે તો ઇંગ્લેન્ડના 12 પોઇન્ટ્સ થઇ જશે અને તે ત્રીજા સ્થાને પહોંચી જશે. એવામાં ન્યુઝીલેન્ડને પાકિસ્તાનની હાર જ આગળ વધારી શકે છે. કેમકે પાકિસ્તાનના જીત સાથે 11 પોઇન્ટ્સ થઇ જશે, બાદમાં ન્યુઝીલેન્ડ અને પાકિસ્તાન વચ્ચે રન રેટની લડાઇ જોવા મળશે. બાદમાં જે જીતશે તે સેમીફાઇનલની ટિકિટ મેળવશે. 

આ ટીમ થઇ બહાર

આ વર્લ્ડ કપમાં અફઘાનિસ્તાન, વેસ્ટઇન્ડીઝ, સાઉથ આફ્રીકા અને શ્રીલંકાના અભિયાનનો અંત થઇ ચૂક્યો છે. બાંગ્લાદેશની આગળની લડાઇ ખુબજ કઠિન છે. પરંતુ આ ટૂર્નામેન્ટમાં તેણે પોતાના પ્રદર્શનથી તમામને પ્રભાવિત કર્યા છે. તેની બાકી બે મેચમાં તેનો સામનો પાકિસ્તાન અને ભારત સામે થશે.