NULL / IND vs NZ: દિનેશ કાર્તિકે સ્વીકાર કર્યો કે આ કારણથી એક રન નહોતો લીધો

vtvAdmin

Last Updated: 07:12 PM, 30 March 2019

FOLLOW ON

શેર કરો

NULL

ન્યૂઝીલેન્ડની વિરુદ્ઘ 3 T-20 સીરિઝની છેલ્લી મેચમાં ટીમ ઇન્ડિયાએ 4 રનથી હારનો સામનો કરવો પડ્યો હતો. તે મેચ હારતા ટીમ ઇન્ડિયા 1-2થી સીરિઝ હાર્યું હતું. રવિવારે હેમિલ્ટન ખાતેની T-20માં ટીમ ઇન્ડિયાને છેલ્લી ઓવરમાં 16 રનની જરૂર હતી પણ માત્ર 11 રન કરી શક્યું હતું. આ ઓવરના ત્રીજા બોલે દિનેશ કાર્તિકે સિંગલ રન લીધો નહોતો જેના લીધે તેની નિંદા થઇ હતી. કાર્તિકે બુધવારે કહ્યું હતું કે તેને વિશ્વાસ હતો કે તે છગ્ગો ફટકારી શકે તેમ હતો.

કાર્તિકે કહ્યું કે ''145 રનમાં 6 વિકેટ ગુમાવ્યા પછી મેં અને કૃણાલે સારી બેટિંગ કરી હતી. અમે મેચને તે પરિસ્થિતિમાં લઈ જવામાં સક્ષમ હતા કે જ્યાં બોલર્સ દબાણ અનુભવી રહ્યા હતા. મને વિશ્વાસ હતો કે હું છગ્ગો ફટકારી શકીશ તેથી મેં સિંગલ લીધો ન હતો. કાર્તિકે અને કૃણાલે છેલ્લા 28 બોલમાં 63 રનની પાર્ટનરશિપ કરી હતી.''

તેણે કહ્યું કે ''મિડલ ઓર્ડરના બેટ્સમેન તરીકે પોતાના ઉપર ભરોસો હોવો જરૂરી છે કે તમે મોટો શોટ ફટકારી શકો છો. તે દરમિયાન પોતાના સાથી ઉપર પણ ભરોસો હોવો જરૂરી છે જે હું કરી શક્યો ન હતો. ક્રિકેટમાં આવી ઘટના બનતી રહેતી હોય છે.''

ઇન્ડિયન પ્રીમિયમ લીગ (IPL)માં કોલકાતા નાઇટ રાઇડર્સના કેપ્ટન કાર્તિકે કહ્યુ કે ''કોઇ પણ દિવસે તમે મોટી બાઉન્ડ્રી લગાવવા સફળ થાઓ છો તો ક્યારેક બોલર્સ પોતાના પ્રયાસમાં સફળ થાય છે. આ મેચમાં ટિમ સાઉથીએ શાનદાર પ્રદર્શન કરતા પરફેક્ટ યોર્કર નાખ્યા હતા.''

સંકળાયેલા મુદ્દાઓ