રેસિપિ / જો ઘરમાં રાતે દાળ બચી ગઈ હોય તો આ રીતે બનાવી લો હેલ્ધી બ્રેકફાસ્ટ, નહીં ભૂલાય સ્વાદ

Bhushita

Last Updated: 10:04 AM, 18 July 2021

FOLLOW ON

શેર કરો

જો તમે ડિનરમાં દાળ બનાવી છે અને તે બચી ગઈ છે તો તમે તેનાથી હેલ્ધી અને ટેસ્ટી બ્રેકફાસ્ટ બનાવી શકો છો. જાણો સરળ રેસિપિ.

વધેલી દાળનો બનાવો હેલ્ધી બ્રેકફાસ્ટ
સિમ્પલ રેસિપિ કરશે તમારી મદદ
સ્વાદ એવો કે ક્યારેય ભૂલાશે નહીં

અનેક વાર એવું બને છે કે રાતે બનાવેલી દાળ કે ભાત બચી ગયા હોય છે. તો તમે તેને ફેંકો નહી અને ફ્રિઝમાં રાખી લો. સવારે નાસ્તામાં તમે તેને યૂઝ કરી શકો છો. જી હા આ વધેલી દાળ કે વધેલા ભાતના ટેસ્ટી પરોઠા બનાવી શકાય છે. તેનો ટેસ્ટ એવો કમાલ હોય છે કે તમે તેને ભૂલી શકશો નહીં.

બચેલી દાળ / ભાતથી બનાવો પરોઠા

સામગ્રી

1 કપ બચેલી દાળ / ભાત
1 ટુકડો આદુ
1 લીલુ મરચું
1 ટીસ્પૂન ધાણા
2 કપ લોટ
મીઠું સ્વાદ અનુસાર
પરોઠા શેકવા માટે તેલ

રીત

સૌ પહેલા તો એક પેનમાં તેલ ગરમ કરો અને તેમાં આદુ, મરચું સામાન્ય બ્રાઉન થાય ત્યાં સુધી શેકો. તેમાં દાળ ઉમેરી લો અને તેનું પાણી બળી જાય ત્યાં સુધી તેને ફ્રાય કરી લો. હેવ ગેસ બંધ કરો અને મસાલાને ઠંડો કરી લો.જ્યારે મસાલો ઠંડો થાય ત્યારે તેમાં કોથમીર ઉમેરી લો અને હલાવી લો.

હવે અન્ય તરફ એક વાસણ લો અને તેમાં લોટ અને મીઠું મિક્સ કરીને લોટ બાંધી લો. આ સાથે તેના માપસરના લૂઆ તૈયાર કરો. મસાલો ઠંડો થાય એટલે તેના ગોળા બનાવી લો અને તેને પરોઠાના લોટમાં રાખીને બંધ કરીને માપસરના પરોઠા વણી લો.

હવે તવાને ગેસ પર ગરમ કરવા મૂકો. તે ગરમ થાય એટલે તેની પર તેલ મૂકો અને પરોઠાને ગોલ્ડન બ્રાઉન થાય ત્યાં સુધી કડક શેકો. તૈયાર છે તમારા પરોઠા. તેની પર તમે માખણ મૂકીને સર્વ કરી શકો છો. પરોઠા સાથે તમે સોસ, અથાણું, દહીં કે લીલી ચટણી કે ચા પણ પીરસી શકો છો.

સંકળાયેલા મુદ્દાઓ

Breakfast Leftover Dal Paratha Recipe પરોઠા બ્રેકફાસ્ટ રેસિપિ વધેલી દાળ સ્વાદ leftover dal paratha breakfast