બનાસકાંઠા / ભાકડીયાલ હત્યાકાંડના આરોપીને ફાંસીની સજા, દિયોદર એડિશનલ સેસન્સ કોર્ટનો ઐતિહાસિક ચુકાદો, જાણો કેસ

Kishor

Last Updated: 05:22 PM, 25 January 2023

FOLLOW ON

શેર કરો

બનાસકાંઠાના લાખણીના ભાકડીયાલ ગામે હત્યા કેસમાં સંડોવાયેલા આરોપીને દિયોદર એડીશનલ સેસન્સ કોર્ટે ફાંસીની સજા અંગે ઐતિહાસિક ચુકાદો આપ્યો છે

બનાસકાંઠાની દિયોદર એડીશનલ સેસન્સ કોર્ટનો ઐતિહાસિક ચુકાદો
લાખણીના ભાકડીયાલ ગામે હત્યા કેસમાં આરોપીને ફાંસીની સજા
2019માં આરોપીએ માતા -પત્ની અને પુત્રની કુહાડીના ઘા મારી હત્યા કરી હતી

બનાસકાંઠાની દિયોદર એડીશનલ સેસન્સ કોર્ટે આજે એક ઐતિહાસિક ચુકાદો સંભાળાવ્યો હતો. જેમાં આરોપીને ફાંસીની સજા ફટકારવામાં આવી છે. મહત્વનું છે કે આરોપીએ વર્ષ ૨૦૧૯માં કુહાડીના ઘા મારીને માતા-પત્ની અને પુત્રની હત્યા કરી હતી.

શુ હતો સમગ્ર કેસ ?

ચાર વર્ષ પહેલા આરોપી ભીખાજી તખાજી ઠાકોર અને તેમનો પરીવાર લાખણી તાલુકાના ભાકડીયા ગામે રહેતા હતા. જેમાં આરોપીએ માતા, પત્ની અને પુત્રની બેરહમી પૂર્વક હત્યા કરી નાખી હતી. વર્ષ ૨૦૧૯માં આરોપી ભીખાજી તખાજી ઠાકોર પાસે કોઈ કામ ધઁધો ન હતો. આ દરમિયાન તેમની માતાએ તેમને કામ કરવા જણાવ્યું હતુ. આ સામાન્ય વાતનું આરોપીને ખોટુ લાગી ગયુ હતુ. જે બાદ આરોપીને ગુસ્સો આવ્યો હતો અને તેમની માતાની કુહાડીના ઘા મારી બેરહમી પૂર્વક હત્યા કરી નાખી હતી. એટલુ જ નહીં તેની સાથે તેમની પત્ની અને પુત્રની પણ કુહાડી ઘા મારી હત્યા નીપજાવી હતી.

હત્યાના કેસમાં ફાંસીની સજા
છેલ્લા ચાર વર્ષથી આ હત્યાનો કેસ બનાસકાંઠાની દિયોદર એડીશનલ સેસન્સ કોર્ટમાં ચાલી રહ્યો હતો. જેમાં તારીખ પડી રહી હતી પરંતુ તે કેસનો ચૂકાદો આજે આવી ગયો છે. જેમાં આરોપીને ફાંસીની સજા સંભળાવવામાં આવી છે. મહત્વનું છે કે સરકારી વકીલ ડી.વી.ઠાકોર દ્વારા કોર્ટમાં મજબુત દલીલો કરી હતી. અને આ દલીલોને ધ્યાને રાખી દિયોદર એડીશનલ કોર્ટે કલમ ૩૦૨ના ગુન્હામાં આરોપી ભીખાજી તખાજી ઠાકોરને ફાંસીની સજા ફટકારી છે.

સંકળાયેલા મુદ્દાઓ

આરોપી ઐતિહાસિક ચુકાદો ફાંસીની સજા બનાસકાંઠા સેસન્સ કોર્ટ હત્યા કેસ banaskantha