ચુકાદો / ભણેલી પત્નીએ અભણ પતિને મેણા માર્યા, પતિએ આત્મહત્યા કરી લીધી: હાઈકોર્ટે પત્નીના પક્ષમાં આપ્યો ચુકાદો

• પંજાબ અને હરિયાણા હાઈકોર્ટે પતિ-પત્નીના ઝઘડામાં આપ્યો ચુકાદો
• ભણેલી પતિએ અભણ પતિને લાફો મારી, ક્યાંક જઈને મરી જવાનો ટોણો માર્યો
• પતિને માઠુ લાગતા રૂમ પુરાઈ જઈ આત્મહત્યા કરી લીધી

પતિને લાફો માર્યા બાદ 'ક્યાંક જઈને મરી જા' કહેનારી પત્નીને પંજાબ હરિયાણા હાઈકોર્ટે છુટ્ટા કરવાનો આદેશ આપ્યો છે. સુનાવણી દરમિયાન હાઈકોર્ટે કહ્યું કે, આંતરિક વિવાદમાં આ પ્રકારની વાત કહેવી આત્મહત્યા માટે ઉકસાવવા માટે પુરતું નથી.

બરનાલા નિવાસી પિતાએ પોલીસને ફરી આપી હતી કે, તેમના દિકરાના લગ્ન 22 માર્ચ 2015ના રોજ થયા હતા. પત્ની ગ્રેજ્યુએટ હતી અને તે અભણ પતિને પોતાના સમકક્ષ સમજતી નહોતી. તેને લઈને બંને વચ્ચે ખૂબ ઝઘડા થતાં રહેતા હતા. સમયની સાથે બંને વચ્ચે વિવાદ વધતો ગયો. પરિણામ એ આવ્યું કે, પત્ની હાલતાને ચાલતા ઝઘડા કરીને પિયરમાં જતી રહેતી હતી. સાસરિયાવાળાઓ દર વખતે તેને મનાવીને લઈ આવતા હતા, જેથી સંબંધ ખરાબ ન થાય.

ફરિયાદકર્તાનો આરોપ છે કે, 28 જૂન 2015ના રોજ દિકરા અને વહુમાં ભારે ઝઘડો થયો હતો. આ દરમિયાન વહુએ દિકરાના ગાલ પર લાફો મારતા કહ્યું કે, તે ક્યાંક જઈને મરી કેમ નથી જતો ? ત્યાર બાદ દિકરાએ પોતાના રૂમમાં જઈને દરવાજો બંધ કરી દીધો હતો. થોડા સમય બાદ રૂમમાંથી ધુમાડો નિકળતો જોયો. પાડોશીઓની મદદથી દરવાજો ખોલ્યો. અંદર દિકરાએ પોતાની જાતને આગ લગાવી દીધી હતી. તેને પટિયાલાની હોસ્પિટલમાં ભરતી કરવામાં આવ્યો, જ્યાં તેનું સારવાર દરમિયાન મોત થઈ ગયું હતું.

આ મામલે પોલીસ તપાસ કરી રહી છે અને નિચલી કોર્ટે વહુને દોષિત માનતા 7 વર્ષની સજા ફટકારી અને 1.25 લાખનો દંડ પણ ફટકાર્યો. સજાના આદેશને વહુએ હાઈકોર્ટમાં પડકાર્યો હતો. હાઈકોર્ટે વહુની અરજીને મંજૂર રાખતા કહ્યું કે ,આ મામલામાં સાક્ષી ફક્ત મૃતકના માતા-પિતા છે અન્ય કોઈ નથી. 

કોર્ટે કહ્યું કે, જો એવું માની લેવામાં આવે કે, અરજીકર્તા વહુએ લાફો માર્યો અને એવું કહ્યુ કે, ક્યાંક જઈને મરી જા, તેના માટે પતિએ આત્મહત્યા કરી, તે ગુનો બનતો નથી. હાઈકોર્ટે વહુની સજાને રદ કરતા દંડની રકમ પાછી આપવાનો આદેશ આપ્યો હતો.