સંક્રમણ / ગુજરાતમાં કોરોના એક્ટિવ કેસ 3 હજારને વટ્યા, આજના કેસમાં પણ એકાએક વધારો, અમદાવાદમાં જ 222 કેસથી ફફડાટ

Vishnu

Last Updated: 08:17 PM, 6 July 2022

FOLLOW ON

શેર કરો

આજે નવા 547 કેસ પોઝિટિવ, 419 દર્દીઓ થયા સાજા, એક્ટિવ કેસનો આંકડો 3042 સુધી પહોંચ્યો, અમદાવાદમાં સૌથી વધુ 222 કેસ

ગુજરાતમાં કોરોના કેસના આંકડા ચિંતાજનક
છેલ્લા 24 કલાકમાં 547 કેસ નોંધાયા

ગુજરાતમાં છેલ્લા 24 કલાકમાં કોરોનાના ચોંકાવનારા આંકડા સામે આવ્યા છે. આજે નવા કોરોનાના વધુ 547 કેસ નોંધાતા હડકંપ મચ્યો છે. 419 દર્દીઓ સાજા થઈ હેમખેમ ઘરે પરત ફર્યા છે. કેસમાં વધારો આવતા એક્ટિવ કેસની સંખ્યા પણ 3042 પહોચી ગઈ છે. કોરોનાથી ગંભીર અસરગ્રસ્ત 5 દર્દીઓની વેન્ટિલેટર પર સારવાર ચાલી રહી છે. રાહતની વાત એ છે કે આજે કોરોનાને લીધે કોઈ દર્દીનું મૃત્યુ થયું નથી.

શહેરોમાં કોરોના કેસ વધ્યા
જો મોટા શહેરોની વાત કરીએ તો અમદાવાદ કોર્પોરેશનમાં સૌથી વધુ 222 કેસ, સુરત કોર્પોરેશનમાં 82, વડોદરા કોર્પોરેશનમાં 46, ભાવનગર કોર્પોરેશનમાં 07, જામનગર કોર્પોરેશનમાં 13, ગાંધીનગર કોર્પોરેશનમાં 16 અને રાજકોટ કોર્પોરેશનમાં પણ 15 કેસ કોરોના પોઝિટિવ નોંધાયા છે.

જિલ્લા પ્રમાણે કોરોના કેસ

13 દિવસમાં 4771 કેસ નોંધાયા
ચિંતાની વાત એ છે કે 16 જુનથી 29 જુન સુધીમાં 4771 કેસ કોરોનાના ગુજરાતમાં નોંધાયા છે જ્યારે જ્યારે છેલ્લા 7 દિવસની સરખામણીએ એવરેજ 427 કેસ રાજ્યમાં બહાર આવી રહ્યા છે.

સાજા થવાનો દર 98.92 ટકા
અત્યાર સુધી રાજ્યમાં કોરોનાના કુલ 10946 મૃત્યુ થયા છે, ગુજરાતભરમાં આજે કુલ 70,782 નાગરિકોનું રસીકરણ સાથે રાજ્યમાં રસીના કુલ 11.13 કરોડથી વધુ ડોઝ અપાઈ ચૂક્યા છે. ગુજરાતમાં કોરોના સામે સાજા થવાનો દર 98.86 ટકા પહોચ્યો છે.

છેલ્લા 1 મહિનાના કોરોના કેસ

1 જૂન	40
2 જૂન	50
3 જૂન	46
4 જૂન	56
5 જૂન	68
6 જૂન	53
7 જૂન	72
8 જૂન	111
9 જૂન	117
10 જૂન	143
11 જૂન	154
12 જૂન	140
13 જૂન	111
14 જૂન	165
15 જૂન	184
16 જૂન	228
17 જૂન	225
18 જૂન	234
19 જૂન	244
20 જૂન	217
21 જૂન	226
22 જૂન	407
23 જૂન	416
24 જૂન	380
25 જૂન	419
26 જૂન	420
27 જૂન	351
28 જૂન	475
29 જૂન	529