બિલકિસ બાનો કેસ / દુષ્કર્મનાં 11 આરોપીને મુક્તિ સામે ગુજરાત કોંગ્રેસે રાષ્ટ્રપતિને લખ્યો પત્ર, નિર્ણય પરત લેવા કરી અપીલ

• બિલકિસ બાનો રેપ કેસમાં ગુજરાત કોંગ્રેસે લખ્યો રાષ્ટ્રપતિ દ્રૌપદી મુર્મૂને લખ્યો પત્ર
• ગુજરાત સરકારના નિર્ણયમાં હસ્તક્ષેપ કરવા કરી માંગ
• 11 આરોપીના મુક્ત કરવા અંગેના નિર્ણય ને પરત લેવા કરી અપીલ
• કોંગ્રેસ  ધારાસભ્ય ગ્યાશુદ્દીન શેખ, જાવેદ પીરઝાદા અને ઇમરાન ખેડાવાલાએ લખ્યો પત્ર

બિલકિસ બાનો રેપ કેસને લઈ હવે ગુજરાત કોંગ્રેસે રાષ્ટ્રપતિ દ્રૌપદી મુર્મૂને પત્ર લખ્યો છે. વિગતો મુજબ કોંગ્રેસના ધારાસભ્ય ગ્યાશુદ્દીન શેખ, જાવેદ પીરઝાદા અને ઇમરાન ખેડાવાલાએ દ્રૌપદી મુર્મૂને પત્ર લખ્યો છે. જેમાં ગુજરાત સરકારના નિર્ણયમાં હસ્તક્ષેપ કરવા માંગ કરી છે. આ પત્રમાં 11 આરોપીના મુક્ત કરવા અંગેના નિર્ણય ને પરત લેવા અપીલ કરવામાં આવી છે. 

બિલકિસ બાનો રેપ કેસમાં કોંગ્રેસનો રાષ્ટ્રપતિને પત્ર 

બિલકિસ બાનો રેપ કેસમાં આજીવન કેદની સજા પામેલા તમામ 11 દોષિતો સોમવારે ગોધરા સબ જેલમાંથી મુક્ત થઈ ગયા છે. વિગતો મુજબ ગુજરાત સરકારે પોતાની ક્ષમા નીતિ હેઠળ તેમની મુક્તિ માટેની મંજૂરી આપી છે. જોકે હવે કોંગ્રેસે આ મામલે દેશના રાષ્ટ્રપતિને પત્ર લખ્યો છે. કોંગ્રેસના ધારાસભ્ય ગ્યાશુદ્દીન શેખ, જાવેદ પીરઝાદા અને ઇમરાન ખેડાવાલાએ દ્રૌપદી મુર્મૂને પત્ર લખી ગુજરાત સરકારના નિર્ણયમાં હસ્તક્ષેપ કરવા માંગ કરી છે. આ પત્રમાં 11 આરોપીના મુક્ત કરવા અંગેના નિર્ણય ને પરત લેવા અપીલ કરવામાં આવી છે. 

શું હતો સમગ્ર મામલો ? 

3 માર્ચ, 2002ના રોજ ગોધરા કાંડ પછી થયેલા રમખાણો દરમ્યાન દાહોદ જિલ્લા માટે લીમખેડા તાલુકાના રંધિકપુર ગામમાં ટોળાએ બિલ્કીસ બાનોના પરિવાર પર હુમલો કર્યો હતો. બિલ્કીસ તે સમયે પાંચ મહિનાની ગર્ભવતી હતી. તેની સાથે સામૂહિક બળાત્કાર કરવામાં આવ્યો અને તેના પરિવારના સાત સભ્યોની હત્યા કરવામાં આવી હતી. આ કેસના આરોપીઓની 2004મા ધરપકડ કરવામાં આવી હતી. જોકે બિલ્કીસ બાનો સામૂહિક રેપ કેસમાં આજીવન કેદની સજા પામેલા તમામ 11 દોષિતો સોમવારે ગોધરા સબ જેલમાંથી મુક્ત થઈ ગયા છે. ગુજરાત સરકારે પોતાની ક્ષમા નીતિ હેઠળ તેમની મુક્તિ માટેની મંજૂરી આપી છે.