હેલ્થ / હાર્ટએટેક, કેન્સર સહિતના રોગો રહેશે દૂર, ખાણીપીણી મામલે WHOની નવી ગાઈડલાઇન, અનુસરજો તો નહીં થાઓ હેરાન

• WHO દ્વારા કાર્બોહાઇડ્રેટ્સ અને ચરબીયુક્ત ખોરાક મામલે ગાઈડલાઈન
• ખોરાકમાં સામેલ કરો આ વસ્તુ
• હાર્ટએટેક, કેન્સર સહિતના જોખમ ઘટાડી શકાશે

કાર્બોહાઇડ્રેટ્સ અને સ્વસ્થ ચરબીયુક્ત આહાર એ સ્વાસ્થ્ય માટે આવશક્યક બાબત છે અને ઉર્જાનો સ્ત્રોત પણ માનવામાં આવે છે. વધુમાં મગજ, કિડની, હૃદયના સ્નાયુઓ અને શરીરની કોશિકાઓને સારી રીતે કામ કરવા આવા આહારની જરૂર હોય છે. પરંતુ જો મર્યાદા બહાર આ પ્રકારનો ખોરાક લેવામાં આવે તો કાર્બોહાઇડ્રેટ્સ અને ચરબીયુક્ત આહાર અનેક રોગનું પણ ઘર બની શકે છે. ત્યારે WHO દ્વારા કાર્બોહાઇડ્રેટ્સ અને ચરબીયુક્ત ખોરાક મામલે ગાઈડલાઈન જારી કરવામા આવી છે.

ડાયાબિટીસ, હૃદય રોગ રહેશે દૂર
WHO એ જારી કરેલ નિવેદન અનુસાર આ ત્રણ નવી માર્ગદર્શિકા ખોરાકના કારણે જન્મેલા રોગો જેવા કે 2 ડાયાબિટીસ, હૃદય રોગ અને કેટલાક પ્રકારના કેન્સરનું જોખમ ઘટાડવા માટે ઉપયોગી સાબિત થઈ શકે છે. ગાઈડલાઈનમાં જણાવ્યા અનુસાર પુખ્ત વયના લોકોએ દૈનિક ખોરાકમાં ચરબીનું પ્રમાણ 30 ટકા અથવા તેનાથી ઓછું રાખવું જોઈએ. આ ઉપરાંત, દૈનિક કેલરીની માત્રા 10 સંતૃપ્ત ચરબી અને 1 ટકા ટ્રાન્સ ફેટી એસિડથી વધુ ન હોવી જોઈએ.

ખોરાકમાંથી કાર્બોહાઇડ્રેટ્સ મેળવવા માટે અનાજ, શાકભાજી, ફળો તથા કઠોળનો આહારમાં સમાવેશ કરવો જોઈએ.WHOના જણાવતા અનુસાર તેલ, માખણ, ઘી, નારિયેળ તેલ, ચરબીયુક્ત માછલી, દૂધ તથા તેમાથી બનેલ વસ્તુઓમાંથી સંતૃપ્ત ચરબી મળી રહે છે.

પુખ્ત વયના લોકોએ રોજ 400 ગ્રામ શાકભાજી અને ફળો ફરજીયાત ખાવા

ગાઈડલાઈનમાં જણાવાયા અનુસાર 2 વર્ષ કરતા વધુ ઉંમરના બાળકોએ અનાજ, શાકભાજી, ફળો અને કઠોળમાંથી કાર્બોહાઇડ્રેટ મેળવું જોઈએ. તો પુખ્ત વયના લોકોએ રોજ 400 ગ્રામ શાકભાજી અને ફળો ફરજીયાત ખાવા જ જોઈએ. આ ઉપરાંત 25 ગ્રામ સુધી કુદરતી રીતે બનતું ડાયેટરી ફાઈબર મળવું જોઈએ. ખાસ બાળકો અને કિશોરો માટે રોજ ફળ અને શાકભાજી ખાવા જોઈએ.

બાળકોને આપવો આટલો ખોરાક

 2-5 વર્ષના બાળકો માટે દરરોજ ઓછામાં ઓછા 250 ગ્રામ શાકભાજી અને ફળો ખાવા જોઈએ અને 15 ગ્રામ ડાયટ્રી ફાયબર જરૂરી છે. તેમજ વધુમાં 6-9 વર્ષના બાળકોએ 350 ગ્રામ શાકભાજી અને ફળ તથા 21 ગ્રામ ડાયટ્રી ફાયબર જરૂરી છે. તથા 10 વર્ષ કે તેથી વધુ ઉંમરના બાળકોએ રોજ 400 ગ્રામ ફળ અને શાકભાજી ખાવી જોઈએ અને 25 ગ્રામ ડાયટ્રી ફાયબર અંગે WHO દ્વારા જારી કરાયેલી ગાઈડલાઈનમાં ઉલ્લેખ કરાયો છે.