અર્થતંત્ર / કોરોનાકાળમાં GST કલેક્શન તળિયાઝાટક : રાજ્યોને વળતર આપવામાં પણ RBI પાસે જવાનો વારો આવ્યો !

• રાજ્યોને જીએસટીમાં વળતર લેવા RBI પાસે જવાની છૂટ 
• પાંચ કલાક સુધી કર મુદ્દે કરવામાં આવ્યું મંથન 
• બેઠક બાદ રાજ્યોને આપવામાં આવ્યા વિકલ્પ 

બે વિકલ્પ આપવામાં આવ્યા 

નાણામંત્રીની આગેવાની કરવામાં આવેલ બેઠકમાં ઘણા બધા નિર્ણય લેવામાં આવ્યા છે. નાણામંત્રીએ કહ્યું કે પાંચ કલાક સુધી ચાલેલી આ બેઠક બાદ રાજ્યોને બે વિકલ્પ આપવામાં આવ્યા છે. કેન્દ્ર પોતે ઉધાર લઈને રાજ્યોને વળતર આપે કે પછી RBI પાસેથી ઉધાર લેવામાં આવે. આજની બેઠકમાં સામે આવ્યું કે કેન્દ્ર અને રાજ્યોની કમાણી ખૂબ ઘટી ગઈ છે ત્યારે કેન્દ્ર કહી રહ્યું છે કે રાજ્ય બજારમાંથી દેવું લઇ લે જ્યારે રાજ્યો કહી કહી રહ્યા છે કે આ કામ કેન્દ્ર કરે. 

આ છે બે વિકલ્પ 

રાજ્યોને આપવાના વળતર પર બે વિકલ્પ આપવામાં આવે. પહેલો વિકલ્પ છે કે રાજ્યોને રિઝર્વ બેંક પાસેથી 97000 કરોડ રૂપિયાનું સ્પેશીયલ દેવું આપવામાં આવે જેના પર વ્યાજ ઓછો હશે અને બીજો વિકલ્પ છે કે 2.35 લાખ કરોડ રૂપિયાનો ગેપ રાજ્યો દ્વારા રિઝર્વ બેંકની મદદથી વહન કરવામાં આવે. જેના માટે રાજ્યોને સાત દિવસ વિચારવાનો સમય આપવામાં આવ્યો છે. 

સહમતી થાય તેની રાહ, સાત દિવસ પછી ફરી બેઠક 

આ બે વિકલ્પ પર બધા રાજ્યો સાત દિવસમાં પોતાની સલાહ આપશે. એટલે સાત દિવસ બાદ ફરીથી એક બેઠક થશે. નોંધનીય છે કે આ છૂટ માત્ર આ વર્ષ માટે જ છે એપ્રિલ 2021માં ફરીથી કાઉન્સિલની મિટિંગ થશે અને નિર્ણય લેવામાં આવશે.  

જીએસટી કલેક્શનમાં 2.35 લાખ કરોડ રૂપિયાનો ઘટાડો

આ બે વિકલ્પ માત્ર આ વર્ષ માટે જ લાગુ કરવામાં આવ્યા છે. આવતા વર્ષે એપ્રિલ મહિનામાં ફરીથી સમીક્ષા કરવામાં આવશે. વિત્ત સચિવે કહ્યું કે કોરોના વાયરસના કારણે ચાલુ નાણાંકીય વર્ષમાં જીએસટી કલેક્શનમાં 2.35 લાખ કરોડ રૂપિયાનો ઘટાડો આવ્યો છે.  

જીએસટીમાં વળતર લેવા પર રાજ્યોએ કર્યું મંથન 

રાજ્યોને મે મહિનાથી ઓગસ્ટ સુધી કોઈ રાહત મળી શકી નથી. સરકારે સ્થાયી સમિતિએ કહ્યું કે તેની પાસે રાજ્યોને ફાળો આપવા માટે પૈસા જ નથી. કાઉન્સિલની બેઠક બાદ ફાયનાન્સ સેક્રેટરીએ કહ્યું કે કેન્દ્ર સરકારે વર્ષ 2019-20માં જીએસટીના વળતરરૂપે 1.65 લાખ કરોડ રૂપિયા વધારે આપવામાં આવ્યા હતા. જેમાં માર્ચ મહિનાનાં 13, 806 કરોડ રૂપિયા સામેલ છે. વર્ષ 2019-20માં આપવામાં આવેલ વળતરની કુલ રકમ 1.65 લાખ કરોડ રૂપિયા છે જ્યારે ઉપકર રકમ 95,444 હતી.  

12મી જૂને પણ થઇ હતી બેઠક 

નોંધનીય છે કે 12મી જૂને પણ જીએસટી કાઉન્સિલની બેઠક કરવામાં આવી હતી. બેઠકમાં GST રિટર્ન ફીસ પર છૂટ આપવામાં આવી હતી જે કોરોનાકાળમાં પહેલી બેઠક હતી. આ પહેલા માર્ચ મહિનામાં બેઠક કરવામાં આવી હતી.  

ટૂ-વ્હિલર વાહનો પર કંઈ ન બોલ્યા નાણામંત્રી 

ટૂ-વ્હિલર વાહનો પર નાણામંત્રીએ કશું ન કહ્યું. જોકે નાણામંત્રીએ જ થોડા દિવસ પહેલા સંકેત આપ્યા હતા કે તેના કર ઓછા થઇ શકે છે. તેમણે કહ્યું હતું કે બે પૈડાવાળા વાહનો વૈભવી સમાનામાં આવી શકે નહીં જેથી આ મામલો જીએસટી કરમાં સંશોધનનો મામલો છે. તેમણે કહ્યું હતું કે ટૂ વ્હિલર વાહનો પર કર સંશોધન મામલે કાઉન્સિલની બેઠકમાં વિચાર કરવામાં આવશે. આ સિવાય દેશની સૌથી મોટી ટૂ વ્હીલર વાહન કંપની હીરો મોરો કોર્પે સરકારને જીએસટીમાં રાહતની અપીલ કરી હતી. વર્તમાનમાં ટૂ વ્હીલર વાહનો પર 28 ટકા જીએસટી લાગે છે.