NULL / રાજ્યમાં ચકરાર મચાવનાર મગફળી કાંડ મામલે કૃષિમંત્રીએ આપ્યું મોટું નિવેદન

vtvAdmin

Last Updated: 06:54 PM, 30 March 2019

FOLLOW ON

શેર કરો

NULL

ગાંધીનગર: રાજ્યમાં ચકચાર જગાવનાર મગફળી કૌભાંડને લઈ કૃષિમંત્રી આર.સી.ફળદુએ પોતાની પ્રતિક્રિયા આપી છે. ફળદુએ કહ્યું કે રાજ્ય અને કેન્દ્ર સરકાર દ્વારા ટેકાના ભાવે મગફળીની ખરીદી કરવામાં આવી હતી. પેઢલામાં મગફળી સાથે માટીના ઢેપા મળી આવ્યા હતા. દોષિતો સામે કાર્યવાહી કરવા પોલીસને સુચના અપાઈ છે અને ત્યાર સુધી કુલ 27 આરોપીને ઝડપી લેવામાં આવ્યા છે.

ઉલ્લેખનીય છે કે ફળદુએ ગોડાઉનમાં આગ લાગવાની ઘટનાઓને લઈ પણ કહ્યું કે આ મામલે તપાસ થવી જોઈએ કારણ કે મગફળીમાં ભેળસેળ અને આગ લાગવાની ઘટના બન્ને પરસ્પર સંકળાયેલા હોય તેવી માહિતી સામે આવી છે.

તો ઓડિયો ક્લીપને લઈ પણ ફળદુએ કહ્યું કે મારુ અને જયેશ રાદડિયાનું નામ કેસને નબળો પાડવા માટે લેવામાં આવી રહ્યું છે. કૌભાંડ કરનારા લોકોએ બચવા માટે ઓડિયો ક્લીપનો સહારો લીધો છે. આ કૌભાંડ મામલે નાફેડ ફરિયાદ નથી કરતું એ દુઃખદ છે.

આપને જણાવી દઇએ કે સરકારી મગફળી સળગવાની ઘટનાએ રાજ્યમાં ચકરાર જમાવી છે. આ સાથે ગતરોજ મુખ્યમંત્રી નિવાસ સ્થાને બેઠક મળી હતી. આ બેઠકમાં મુખ્ય સચિવ ડૉક્ટર જે.એન. સિંહ સહિતના અધિકારીઓ હાજર રહ્યા હતા. આ બેઠકમાં મગફળી કાંડ મુદ્દે ચર્ચા કરવામાં આવી હતી.

તો આ તરફ પોલીસે 27 જેટલા આરોપીઓને પણ ઝડપી લીધા છે. આ સાથે કોંગ્રેસના પીઢ નેતા અને વિધાનસભાના વિપક્ષી નેતા પરેશ ધાનાણીએ આંદોલન પણ શરુ કરેલ છે ત્યારે આ મામલે વધારે શું ખુલાસા થાય છે તે તો આવનારો સમય જ જણાવશે.

સંકળાયેલા મુદ્દાઓ