નિમણૂંક / જનરલ બિપિન રાવત હશે દેશના પ્રથમ CDS, સરકારે કર્યું ઔપચારિક એલાન, આજે સંભાળશે ચાર્જ

Hiren

Last Updated: 12:14 AM, 31 December 2019

FOLLOW ON

શેર કરો

સેના પ્રમુખ જનરલ બિપીન રાવતની ચીફ ઑફ ડિફેન્સ સ્ટાફ (CDS) તરીકે નિમણૂંક કરાઈ છે. આનું ઔપચારિક એલાન રક્ષા મંત્રાલયે સોમવાર મોડી સાંજો કરી દીધું. બિપીન રાવતને દેશના પ્રથમ ચીફ ઓફ ડિફેન્સ સ્ટાફ બનાવવામાં આવ્યા છે. ત્યારે તેઓ આજે CDSનો ચાર્જ સંભાળશે.

દેશના પ્રથમ ચીફ ઑફ ડિફેન્સ સ્ટાફ હશે જનરલ બિપિન રાવત
મંગળવારથી સંભાળશે પદ
રક્ષામંત્રીને સીધા કરશે રિપોર્ટ

આગામી 3 વર્ષ સુધી બિપીન રાવત CDS તરીકે સેવા આપશે. CDS તરીકે જનરલ બિપીન રાવત દેશના સર્વોચ્ચ રક્ષા અધિકારી હશે અને ત્રણેય સેનાઓની કમાન સંભાળશે. ત્રણેય સેનાઓના સેના પ્રમુખ તેમના અન્ડરમાં કામ કરશે. CDS સીધી રીતે રક્ષા મંત્રીને રિપોર્ટ કરશે.

આપને જણાવી દઈએ કે ચીફ ઓફ ડિફેન્સ સ્ટાફનું પદ 4 સ્ટાર જનરલ રેન્કના સૈન્ય અધિકારી કેટેગરીનું હોય છે. ચીફ ઓફ ડિફેન્સ સ્ટાફની જવાબદારી ત્રણ સેના સાથે જોડાયેલા રક્ષામંત્રીને સલાહ આપવાની છે.

આર્મી ચીફ જનરલ બિપીન રાવતે 3 વર્ષ સુધી આર્મી ચીફ તરીકે સેવા આપી છે. આજે તેઓ 31 ડિસેમ્બરે સેના પ્રમુખ પદ પરથી નિવૃત્ત થઇ રહ્યા છે. જો કે આજથી બિપીન રાવત CDS તરીકેનો કાર્યભાર સંભાળશે.

સંકળાયેલા મુદ્દાઓ

CDS bipin rawat બિપિન રાવત સેના પ્રમુખ Appointment