પૂજા / અપાર સુખ આપે છે ગણેશ મહામંત્ર

.જો તમારે સુખી થવું હોય, ખરેખર ખૂબ સુખી થવું હોય, નોકરીમાં સારી પદવી મેળવવી હોય, સુંદર પત્ની મેળવવી હોય, સંસ્કારી અને ખાનદાની પતિ  મેળવવો હોય, દેવું દૂર કરવું હોય, ગરીબાઇ દૂર કરવી હોય તો તમે ગણેશજીની આરાધના શરૂ કરી દો. બે ટાઇમ ગણેશ પૂજન કરો અને તેમને દૂર્વા તથા ગોળ ધરાવો. બંને ચોથે લાડુ ધરાવો. હા, બીજી એક ખાસ વાત, એક સરસ નોટબુક લઇ તેમાં ખૂબ સુંદર, સુવાચ્ય અક્ષરે ૐ ગં ગણપતયૈ નમઃ મંત્ર લખો. 

મંત્ર લેખનમાં જેટલા લખાય એટલા નામ લખો. લોભ ન કરશો કે આજે મારે 10 પાનાં ભરવાં છે કે 20 પાનાં ભરવાં છે. જેટલું લખો તેટલું શાંત ચિત્તે લખો. જુઓ તેનો ચમત્કાર. તેમનાં 11000 મંત્ર જાપ થતાં તમારા સુખના દિવસો શરૂ થશે. 100000 મંત્ર લખતાં લખતાં તમે કલ્પના નહીં કરી હોય તેટલું સુખ, સમૃદ્ધિ તથા ઐશ્વર્ય તમારી પાસે હશે. નોકરીમાં સારી પદવી હશે. સુંદર પત્ની હશે. સર્વગુણસંપન્ન સંસ્કારી પતિ હશે, આજ્ઞાંકિત બાળકો હશે. વિદ્યાર્થીને સારી ડિગ્રી મળશે. જેની જે મહેચ્છા હશે તે પાર પડશે. બસ ઉપર લખ્યા મુજબ વર્તો. આ એક ખૂબ અનુભૂત પ્રયોગ આ લેખકનો છે. આ લેખના લેખક હનુમાનભક્ત હોવા છતાં આ પ્રયોગના પુણ્યથી અપાર સુખ, સમૃદ્ધિ જોયાં છે. નાની ઉંમરમાં મોટી સફળતા મેળવી છે.

ગણેશજીનો ફોટો, છબી કે પ્રતિમા કે તેમનું કોઇ પણ સ્વરૂપ જેમાં અંકિત હોય તે જો પગમાં આવે તેમ હોય તો તેને પગે લાગી શ્રદ્ધાથી જળમાં વિસર્જિત કરી દો. ગણેશજીના ટૂંકા મંત્રનું અથવા સ્મરણ ચાલુ રાખવું.

ગણેશ ભક્તોએ પાપ કર્મ, નિંદા, ચાડી, ચુગલી, હિંસા, અનાચાર, દુરાચાર, પાપાચાર, પરસ્ત્રી સંગ, બીજાનું પડાવી લેવાની વૃત્તિનો ત્યાગ કરવો. ગણેશજીનું કોઇ પણ ચિત્ર ખરાબ વસ્તુઓ જેવી કે બીડી, મદિરાનાં વેચાણ માટે ન મૂકવું. તેમની પ્રસન્નતા મેળવવા માદક પદાર્થોનું સેવન ન કરવું. 

દારૂ, જુગાર, માંસનો ત્યાગ કરવો. આમ કરવાથી તમારા જીવનમાં કોઇ વિઘ્ન નહીં આવે. જો કોઇ ભયંકર વિઘ્ન આવ્યું હશે તો પણ શ્રી ગણેશજીની અપાર કૃપા વડે તે દૂર થઇ જશે અથવા હળવું બની જશે. બને તેટલા ગણેશ અથર્વશીર્ષના પાઠ કરો. બને તેટલા ગણેશ ગાયત્રી મંત્રના જાપ કરો. દેવું બહુ હોય અને તે દૂર કરવું હોય તો દરરોજ સવારે ઋણહરણ ગણેશસ્તોત્રનો જાપ કરો. જુઓ આ બધું કરવાથી તમારા જીવનમાં કેટલાં સુખ શાંતિ આવે છે? જો કોઇ ગણેશ ભક્ત ભાદરવામાં ગણેશ પુરાણનું અનુષ્ઠાન કરે અથવા સુદ કે વદ ચોથે ગણેશ માહાત્મ્ય સાંભળો તો તેને અપાર સુખ મળે છે.

એક અનુભૂત પ્રયોગઃ
મંગળવારના દિવસે અથવા મંગળવારી ચોથના દિવસે કોઇ ગરીબને લાલ વસ્ત્ર તથા ઘઉંનું દાન કરો. સાથે સાથે જાસૂદનાં લાલ પાંચ પુષ્પને દાનમાં આપો. ગણેશજીને તમારું આ કાર્ય ખૂબ ગમશે. ગણેશજીના ચારેય વરદ્ હસ્ત તમારા માથે આવશે અને તમે તન, મન, ધન બધી રીતે સુખી થઇ જશો. આ પણ એક અનુભૂત પ્રયોગ છે. (હા, એક વિશેષ વાત, ઘઉંનું દાન કરો તો સવા પાંચ કિલો કે સવા દશ કિલો તો જરૂર કરજો.