રેસિપી / આજે ગણેશજીને અચૂક ધરાવો આ ખાસ ભોગ, ગણેશજીની વરસશે કૃપા

Bhushita

Last Updated: 09:06 AM, 7 September 2019

FOLLOW ON

શેર કરો

આજે ગણેશચતુર્થીના તહેવારમાં નોમની તિથિ છે. આ ખાસ દિવસનું અલગ જ મહત્વ છે. નોમના દિવસે ગણેશજીને ઘી-ગોળનો પ્રસાદ ધરાવવાથી અનેક લાભ થાય છે.

આજે અમે આપને જણાવીશું કે દરેક ઘરમાં શુભ પ્રસંગોએ ધરાવાતી સુખડીની રેસિપી. ગણેશજીને આજે અન્ય કોઈ નહીં પણ આ ખાસ પ્રસાદ જે મુખ્યત્વે ઘી અને ગોળથી બને છે તે ધરાવવાથી ધન સંબંધી ફાયદા થાય છે.

સુખડી ગુજરાતીઓની ફેવરિટ વાનગી છે. કેટલાક લોકો તેને ગોળ પાપડી પણ કહે છે. આ વાનગી ઝડપથી અને સરળતાથી બની જાય છે. ઘરે સુખડી બનાવવામાં થોડી કાળજી રાખવી પડે છે. નહીં તો તે કઠણ બની જાય છે. જો તમારે ભોગ માટે પરફેક્ટ સુખડી બનાવવી છે તો તમે આ રીત અપનાવી શકો છો.

સામગ્રી

2 કપ થીજેલું ઘી
2 કપ છીણેલો ગોળ
2 કપ ઘઉંનો લોટ
1 ચમચી એલચીનો પાવડર
1 કપ નારિયેળનું છીણ
પા ચમચી વરિયાળીનો ભૂકો

રીત

સૌ પ્રથમ એક જાડા વાસણમાં ઘી ગરમ મૂકો. ઘી મેલ્ટ થાય એટલે તેમાં ઘઉંનો લોટ મિક્સ કરો. તેને ધીમા તાપે શેકો. લોટ લાલ ન થઈ જાય તેનું ખાસ ધ્યાન રાખો. ગોલ્ડન બ્રાઉન થાય અને સુગંધ આવે ત્યાં સુધી તેને શેકી લો. લોટ શેકાઈ જાય એટલે તેમાં છીણેલો ગોળ ઉમેરી હલાવો. આ વખતે જ વરિયાળીનો ભૂકો, નારિયેળનું છીણ અને એલચીનો ભૂકો મિક્સ કરી લો. આ સમયે ગેસ પરથી કઢાઈ ઉતારી લો. હવે એક ઘી ચોપડેલી પ્લેટમાં આ મિશ્રણને પાથરો. ગરમ હોય ત્યારે જ તેના ચોસલા પાડી લો. તો તૈયાર છે સુખડીનો ભોગ ગણપતિ બાપ્પાને ઘરાવવા માટે. હવે તેને એક એર ટાઈટ ડબ્બામાં ભરી 15-20 દિવસ સ્ટોર કરી શકો છો. ઇચ્છો તો પ્લેટમાં ભોગ ધરાવતી સમયે ઉપર ડ્રાયફ્રૂટ્સનો ભૂકો પણ ભભરાવી શકો છો.

સંકળાયેલા મુદ્દાઓ

Bhog Ganesh Chaturthi 2019 Special Prasad નોમ પ્રસાદ સુખડી recipe