તમારા કામનું / 3 દિવસમાં દેશમાંથી બંધ થશે ફ્રી રાશનનું વિતરણ, 80 કરોડ જનતા પર પડશે PMGKY બંધની અસર

• લોકડાઉન દરમિયાન PM મોદીએ આ યોજનાની શરૂઆત કરી હતી 
• 80 કરોડ દેશવાસીઓને PMGKYનો લાભ મળ્યો
• આ વર્ષે આ યોજના દિવાળી સુધી ચાલશે 

લોકડાઉન દરમિયાન PM મોદીએ આ યોજનાની શરૂઆત કરી હતી 

કોરોનાવાયરસના પ્રથમ લહેર દરમિયાન, સમગ્ર દેશમાં સંપૂર્ણ લોકડાઉન લાદવામાં આવ્યું હતું. મહામારીને રોકવા માટે લાદવામાં આવેલા લોકડાઉનને કારણે દેશમાં આજીવિકાનું સંકટ સર્જાયું હતું. લોકડાઉનના કારણે રોજીંદા મજૂરોથી લઈને નાના વેપારીઓ સુધીના લોકો સૌથી વધુ પ્રભાવિત થયા છે. કામના અભાવે લોકો એક ટાઈમ રોટલીની પણ વ્યવસ્થા કરી શકતા ન હતાં. દેશના એક મોટા વર્ગની આ સમસ્યાને ધ્યાનમાં રાખીને વડાપ્રધાન નરેન્દ્ર મોદીએ પ્રધાનમંત્રી ગરીબ કલ્યાણ  અન્ન યોજના શરૂ કરી હતી. 

80 કરોડ દેશવાસીઓને PMGKYનો લાભ મળ્યો

પ્રધાનમંત્રી ગરીબ કલ્યાણ અન્ન યોજના (PMGKY) હેઠળ, ભારતના લગભગ 80 કરોડ રેશનકાર્ડ ધારકોને દર મહિને 5 કિલો વધુ અનાજ(ધઉં-ચોખા) આપવામાં આવ્યાં હતાં. તમને જણાવી દઈએ કે, દેશના જે નાગિરક પાસે રાશન કાર્ડ ઉપલબ્ધ છે, તેના ક્વોટાના રાશની સાથે તેને આ યોજના હેઠળ દર મહિને 5 કિલો વધારાનું રાશન મળી રહ્યું છે. પ્રધાનમંત્રી ગરીબ કલ્યાણ અન્ન યોજના હેઠળ મળતું આ રાશન બિલકુલ મફત છે, જેણે દેશના કરોડો ગરીબોની બે ટાઈમની રોટીની તકલીફો દૂર કરી હતી. 

આ વર્ષે આ યોજના દિવાળી સુધી ચાલશે 

આ યોજના હેઠળ કેન્દ્ર સરકાર દ્વારા રેશનકાર્ડ ધારકના દરેક સભ્યને દર મહિને 5 કિલો વધારાના ઘઉં અને ચોખા આપવામાં આવતાં હતાં. આ યોજના ગયા વર્ષે શરૂ કરવામાં  હતી, જે ગયા વર્ષે દિવાળી અને છઠ પૂજા સુધી ચાલુ રહી હતી.આ પછી આ વર્ષે ફરી જ્યારે કોરોના વાયરસની બીજી લહેર સમગ્ર દેશમાં આવી, ત્યારે ફરી એકવાર દેશવ્યાપી લોકડાઉન લાદવામાં આવ્યું હતું. ત્યારે PMGKY 2.0 શરૂ કરવામાં આવી હતી. બીજા તબક્કો પણ દીવાળી એટલે કે, 4 નવેમ્બર સુધી ચાલુ રહેશે અને પછી તે બંધ થઈ જશે 

યોજના બંધ થયા બાદ પહેલાની જેમ જ અનાજનું વિતરણ કરાશે 

PMGKY બંધ થયા બાદ દેશના તમામ રેશનકાર્ડ ધારકોને પહેલાની જેમ જ અનાજનું વિતરણ કરવામાં આવશે. જ્યાં રેશનકાર્ડ ધારકોએ ક્વોટામાંથી મળતા રાશન માટે નજીવી કિંમત ચૂકવવી પડે છે. તો બીજી તરફ પ્રધાનમંત્રી ગરીબ કલ્યાણ અન્ન યોજના હેઠળ મળતું વધારાનું રાશન સંપૂર્ણપણે મફત હતું. જેના માટે થોડા નાણા પણ લેવામાં આવ્યો ન હતો