દુર્ઘટના / માલદીવની રાજધાનીમાં મોટી દુર્ઘટના, ઈમારતમાં આગ લાગતાં 9 ભારતીયો સહીત 10 લોકોના મૌત

• માલદીવની રાજધાની માલેમાં એક ઈમારતમાં આગ
• આગમાં ઓછામાં ઓછા 10 લોકોના મોત
• ફાયર બ્રિગેડે આગ કાબુમાં મેળવી મૃતદેહો બહાર કાઢ્યા

માલદીવની રાજધાની માલેમાં એક ઈમારતમાં લાગેલી આગમાં ઓછામાં ઓછા 10 લોકોના મોત થયા છે. આ બિલ્ડિંગમાં વિદેશી કામદારો રહેતા હતા. આગ બિલ્ડિંગના ગ્રાઉન્ડ ફ્લોર પર કાર રિપેરિંગ ગેરેજમાં શરૂ થઈ હતી. આ ઘટનામાં નવ ભારતીયો સહિત એક બાંગ્લાદેશી નાગરિકનું મોત થયું હતું. આ ઘટનામાં અનેક લોકો ઘાયલ થયા છે. અધિકારીઓનું કહેવું છે કે ઈમારતમાં આગ લાગ્યા બાદ ઉપરના માળેથી 10 મૃતદેહો બહાર કાઢવામાં આવ્યા છે. આગ બિલ્ડિંગના ગ્રાઉન્ડ ફ્લોર પર કાર રિપેરિંગ ગેરેજમાં લાગી હતી.

10 મૃતદેહ બહાર કાઢ્યા
ફાયર બ્રિગેડના એક અધિકારીએ જણાવ્યું કે અમે 10 મૃતદેહો બહાર કાઢ્યા છે. આગ પર કાબૂ મેળવવામાં ચાર કલાક જેટલો સમય લાગ્યો હતો. પોલીસ અધિકારીઓનું કહેવું છે કે મૃતકોમાં નવ ભારતીય અને એક બાંગ્લાદેશીનો સમાવેશ થાય છે. માલદીવમાં ભારતીય હાઈ કમિશને માલેમાં આગની આ ઘટના પર શોક વ્યક્ત કર્યો છે, જેમાં ભારતીય નાગરિકો સહિત લોકોના મોત થયા છે. હાઈ કમિશને કહ્યું કે અમે માલદીવ સરકારના સંપર્કમાં છીએ. 

 

High Commission of India in Maldives expresses grief over tragic fire incident in Male, Maldives that caused loss of lives including reportedly of Indian nationals. pic.twitter.com/onvTGT7AQ3

— ANI (@ANI) November 10, 2022

મૃતકોની ઓળખનો પ્રયાસ ચાલુ છે
માલદીવના એક ટોચના સરકારી અધિકારીએ જણાવ્યું કે પોલીસ મૃતકોની ઓળખ કરવાનો પ્રયાસ કરી રહી છે. માલદીવની નેશનલ ડિઝાસ્ટર મેનેજમેન્ટ ઓથોરિટીએ ટ્વીટ કર્યું કે માલેમાં આ આગના પીડિતો માટે સ્ટેડિયમમાં રાહત અને બચાવ કેન્દ્ર બનાવવામાં આવ્યું છે. પીડિતોની મદદ માટે તમામ પ્રયાસો કરવામાં આવી રહ્યા છે. માલદીવની નેશનલ ડિઝાસ્ટર મેનેજમેન્ટ ઓથોરિટીએ ટ્વીટ કર્યું કે માલેમાં આ આગના પીડિતો માટે સ્ટેડિયમમાં રાહત અને બચાવ કેન્દ્ર બનાવવામાં આવ્યું છે. પીડિતોની મદદ માટે તમામ પ્રયાસો કરવામાં આવી રહ્યા છે.

 

NDMA has established an evacuation center in Maafannu Stadium for those displaced and affected by the fire in Male'. Arrangements are being made to provide relief assistance and support.

— NDMA Maldives (@NDMAmv) November 10, 2022

વિદેશી કામદારોની સ્થિતિ દયનીય
આ ઘટના બાદ માલદીવમાં ખરાબ સ્થિતિમાં રહેતા વિદેશી કામદારોનો મામલો ફરી ચર્ચામાં આવ્યો છે. માલદીવના રાજકીય પક્ષોએ કહ્યું છે કે વિદેશી કામદારોને અહીં દયનીય સ્થિતિમાં રહેવું પડે છે. માલદીવમાં વિદેશી કામદારોની મોટી વસ્તી છે. આમાંના મોટાભાગના કામદારો ભારત, બાંગ્લાદેશ, નેપાળ, પાકિસ્તાન અને શ્રીલંકા જેવા દેશોના છે. આ વિદેશી કામદારોની દયનીય સ્થિતિનો મામલો સૌપ્રથમ કોરોના સમયગાળા દરમિયાન સામે આવ્યો હતો. તે સમયે, સ્થાનિક લોકો કરતાં વિદેશી કામદારોમાં કોરોના ત્રણ ગણો ઝડપથી ફેલાયો હતો.