દેશ / Fact Check: શું ખરેખર ખાદ્ય તેલ પર ઘટી ગઈ છે ઈમ્પોર્ટ ડ્યુટી? કેન્દ્ર સરકારે કરી સ્પષ્ટતા, મસૂર દાળના ભાવમાં મળતી રહેશે રાહત

• નાણામંત્રાલય દ્વારા મીડિયામાં ચાલતી ખબરને લઈને કરવામાં આવી સ્પષ્ટતા
• કહ્યું, ખાદ્ય તેલોની કિંમતોને લઈને સરકારે કોઈ જાહેરાત નથી કરી
• નોટિફિકેશનમાં માત્ર 'મસુર દાળ' નો ઉલ્લેખ કરવામાં આવ્યો છે

ગઈકાલે મીડિયા સ્ત્રોત તરફથી માહિતી મળી હતી કે દેશમાં ખાદ્ય તેલોની કિંમતોને વધવાથી અટકાવવા માટે કેન્દ્ર સરકારે તેના પર લાગૂ ઘટેલી ઈમ્પોર્ટ ટ્યૂડીને માર્ચ 2025 સુધી લંબાવી દીધી છે. નાણામંત્રાલય દ્વારા કહેવામાં આવ્યું કે ઘટેલી ડ્યૂટી માર્ચ 2024માં સમાપ્ત થવાની હતી પણ હવે તેને માર્ચ 2025 સુધી જારી રાખવામાં આવશે. જો કે આજે કેન્દ્રીય નાણામંત્રાલય દ્વારા આ સમાચારને લઈને મોટી સ્પષ્ટતા કરવામાં આવી છે. 

It has come to notice that some sections of the media have erroneously reported that the Government has extended lower import duty for palm, soybean and sunflower oils till 31.03.2025.

It is categorically clarified that the Government extended the validity period of import duty… pic.twitter.com/CnQfOepBjA

— Ministry of Finance (@FinMinIndia) December 23, 2023

તેલની કિંમતને લઈને ચાલતી ખબર ખોટી!
મિનિસ્ટ્રી ઓફ ફાઈનાન્સે આજે પોતાના ઓફિશિયલ X એકાઉન્ટ પર ટ્વિટ કરીને લખ્યું કે," મીડિયામાં ચાલતી ખબર અનુસાર સરકારે પામ, સોયાબિન, સનફ્લાવર પર લાગૂ ઘટેલી ઈમ્પોર્ટ ટ્યૂડીને માર્ચ 2025 સુધી લંબાવી દીધી છે.  તેથી સ્પષ્ટપણે સ્પષ્ટ કરવામાં આવે છે કે સરકારે 21 ડિસેમ્બર, 2023ના રોજ ગેઝેટ નોટિફિકેશન નંબર 65/2023-કસ્ટમ દ્વારા માત્ર 'મસુર દાળ' પરની આયાત ડ્યૂટી મુક્તિની માન્યતાની અવધિ એક વર્ષ એટલે કે 31.3.2025 સુધી વધારી છે."

મસુર દાળ પર નહીં લાગે ઈમ્પોર્ટ ડ્યૂટી
સરકારે સ્પષ્ટતા કરતાં જણાવ્યું કે ખાદ્ય તેલ નહીં પણ જારી કરવામાં આવેલી નોટિફિકેશન અનુસાર માત્ર મસુર દાળ પરની ઈમ્પોર્ટ ડ્યૂટી મુક્ત કરવાની માન્યતાને વધુ એકવર્ષ વધારી દીધી છે.