યુદ્ધ / હજુ પણ યુક્રેનમાં ફસાયેલા છે આટલાં ભારતીયો, 'ઓપરેશન ગંગા' મિશનને લઇને વિદેશ મંત્રાલયનું મોટું નિવેદન

Dhruv

Last Updated: 11:16 AM, 18 March 2022

FOLLOW ON

શેર કરો

રશિયા-યુક્રેન યુદ્ધમાં 15થી 20 ભારતીયો હજુ પણ યુક્રેનમાં અટવાયેલા છે. ત્યારે વિદેશ મંત્રાલયે જણાવ્યું કે, 'જે ભારતીયો ત્યાંથી બહાર નીકળવા માંગે છે તેઓને તમામ પ્રકારની મદદ આપવામાં આવી રહી છે.'

15થી 20 ભારતીયો હજુ પણ યુક્રેનમાં અટવાયેલા
ભારતીયોને બહાર નીકાળવા માટે થઇ રહ્યાં છે સંપૂર્ણ પ્રયાસ : વિદેશ મંત્રાલય
ત્રણ દિવસ પહેલાં ત્યાં અંદાજે 50 ભારતીયો હતાં

આ બાબતે મંત્રાલયે સ્પષ્ટતા કરતા જણાવ્યું કે, 'ઓપરેશન ગંગા' હજુ શરૂ છે. વિદેશ મંત્રાલયના પ્રવક્તા અરિંદમ બાગચીએ કહ્યું કે, હાલમાં યુદ્ધની સ્થિતિ જ છે, પરંતુ જે લોકો બહાર આવવા માંગે છે તેમને બહાર કાઢવાનું કામ અમે ચાલુ રાખીશું.

બાગચીએ કહ્યું કે, "ત્રણ દિવસ પહેલાં ત્યાં અંદાજે 50 ભારતીયો હતાં. અમારું અનુમાન છે કે, 15થી 20 લોકો કે જે દેશ (યુક્રેન) છોડવા માંગે છે. કેટલાંક એવાં પણ છે કે જેઓ હવે બહાર આવવા નથી માંગતા. ત્યારે શક્ય તેટલી મદદ અમે કરી રહ્યાં છે. જણાવી દઇએ કે, 22,500 ભારતીયોને યુક્રેનમાંથી પાછા લાવવામાં આવ્યા છે અને કેટલાંક લોકો હજુ પણ ત્યાં છે અને આ એક ઉભરતી પરિસ્થિતિ છે. અમે ત્યાં રહેલા તમામ ભારતીયોના સંપર્કમાં છીએ. ભારતીય દૂતાવાસ શક્ય તમામ મદદ કરી રહ્યું છે."

યુક્રેન સંકટની ભારતીય અર્થવ્યવસ્થા પર થશે નકારાત્મક અસર

ઇન્ટરનેશનલ મોનેટરી ફંડ (IMF) એ કહ્યું કે, યુક્રેન પર રશિયાના હુમલાની આર્થિક અસર ભારતની અર્થવ્યવસ્થા પર નકારાત્મક અસર કરી શકે છે. જ્યારે ચીન પર તેની તાત્કાલિક અસર પ્રમાણમાં ઓછી હશે. IMFના સંચાર વિભાગના ડિરેક્ટર ગેરી રાઈસે જણાવ્યું હતું કે, "યુદ્ધની વૈશ્વિક આર્થિક અસર વિવિધ માધ્યમો દ્વારા ભારતના અર્થતંત્ર પર નકારાત્મક અસર થવાની અપેક્ષા છે."

વ્હાઇટ હાઉસે કહ્યું કે, 'US સતત ભારતીય નેતાઓના સંપર્કમાં છે અને યુક્રેન પર રશિયન આક્રમણ સામે તેની સાથે મળીને કામ કરવા માટે તેમને પ્રોત્સાહિત કરવાનું ચાલુ રાખશે.' વ્હાઇટ હાઉસના પ્રેસ સચિવ જેન સાકીને પૂછવામાં આવ્યું કે, યુક્રેનમાં યુદ્ધ વચ્ચે શાંતિ સ્થાપવા માટે વિશ્વના સૌથી મોટા અને સૌથી જૂના લોકતંત્ર કેવી રીતે એકસાથે મળીને કામ કરી રહ્યાં છે.

સંકળાયેલા મુદ્દાઓ

Indian students RUSSIA UKRAINE WAR indian external affairs ministry operation ganga russia ukraine war