નવી દિલ્હી / મોદી સરકારને અનામત હટાવવા અંગે ભારતની આ ટોપ 20 શૈક્ષણિક સંસ્થાઓના વડાઓનો પત્ર

Divyesh

Last Updated: 12:14 PM, 1 January 2020

FOLLOW ON

શેર કરો

ભારતીય પ્રબંધન સંસ્થાન (IIMs) દ્વારા કેન્દ્રની મોદી સરકારને ફેકલ્ટીમાં અનામતને લઇને પત્ર લખવામાં આવ્યો છે. 20 IIMs તરફથી લખવામાં આવેલ પત્રમાં કેન્દ્રને જણાવામાં આવ્યું છે કે સંસ્થાઓને ફેકલ્ટીના પદ પરની ભરતીમાં અનૂસૂચિત જાતિ (SC), અનૂસૂચિત જનજાતિ (ST) અને અન્ય પછાત વર્ગ (OBC), આર્થિક રીતે પછાત (EWS) વર્ગ માટે અનામતમાં છૂટ આપવામાં આવે.

IIMs દ્વારા કેન્દ્રની મોદી સરકારને પત્ર
નોકરીઓમાં અનામતથી અમને મુક્તિ આપો

ગત અઠવાડિયે 20 આઇઆઇએમ દ્વારા માનવ સંશાધન વિકાસ મંત્રાલયને ભલામણ કરવામાં આવી હતી કે કેન્દ્રની મોદી સરકાર તરફથી તેમને સૂચિત કેન્દ્રીય શૈક્ષણિક સંસ્થાઓ (રિઝર્વેશન ઇન ટીચર કેડર્સ) એક્ટ 2019માં શ્રેષ્ઠતા સંસ્થા વર્ણવેલ (Described Institution of Excellence) માં સામેલ કરવામાં આવે.

આ એક્ટથી સેકશન 4 માં ઇન્સ્ટીટયૂટ ઓફ એક્સિલેંસ, શોધ સંસ્થાઓ, રાષ્ટ્રીય અને સામરિક મહત્વની સંસ્થાઓ અને અલ્પસંખ્યક સંસ્થાઓમાં અનામત આપવામાં છૂટ પ્રદાન કરે છે.

હાલના સમયમાં ટાટા ઇન્સ્ટીટયૂટ ઓફ ફંડામેન્ટલ રિસર્ચ, નેશનલ બ્રેન રિસર્ચ સેન્ટર, નોર્થ-ઇર્સ્ટર્ન ઇન્દિરા ગાંધી રીજનલ ઇન્સ્ટીટયૂટ ઓફ હેલ્થ એન્ડ મેડિકલ સાયન્સ, જવાહરલાલ નહેરૂ સેન્ટર ફૉર એડવાન્સડ સાઇન્ટિફિક રિસર્ચ, ફિઝિકલ રિસર્ચ લેબોરેટરી, સ્પેસ ફિજિક્સ લેબોરટરી, ઇન્ડિયન ઇન્સ્ટીટયૂટ ઓફ રિમોટ સેસિંગ અને હોમી ભાભા નેશનલ ઇન્સ્ટીટયૂટ અને તેના 10 એકમો કેન્દ્રીય શિક્ષક સંસ્થાન (રિઝર્વેશન ઇન ટીચર કેડર્સ) એક્ટ 2019ના સેકશન 4 હેઠળ આવે છે.

સૂત્રોને મળતી જાણકારી મુજબ આ ઇન્સ્ટિટયૂટોમાં અનામતમાં છૂટ છે જેને લઇને IIM દ્વારા આ અંગે રજૂઆત કરવામાં આવી છે. તેમનું કહેવું છે કે અનામત એ વૈશ્વિક સ્તરે સ્પર્ધા કરવાનો માર્ગ હોઈ શકે નહીં.

સંકળાયેલા મુદ્દાઓ

IIM Letter modi government અનામત આઇઆઇએમ મોદી સરકાર શૈક્ષણિક સંસ્થા New delhi